• 【中環寸嘴】東華三院大躍進 由金利來升呢到Hermes
  • 2020-07-20    

 

估唔到上星期講話揸福臨門個袋去街市,實際過拎Hermes袋,呢嗰禮拜即收到東華三院送上來嘅小禮物,係一條Hermes領呔及一支紅酒俾我呢個前總理。今時今日嘅經濟形勢,仲有咁嘅能力、咁嘅心;真係買少見少,值得表揚吓今屆東華三院主席Ginny Man文穎怡呢位世侄女,須知道呢位世侄女個老豆「文翁」,當年做東華副主席時,都係同我呢位22歲有degree嘅「o靚仔總理」一樣,打住條紅色斜紋嘅金利來領呔,記得當年嘅金利來廣告:「斜紋代表勇敢、決斷......細花代表體貼溫馨......金利來領呔男人嘅世界」哈哈。當年金利來由發跡到起家,係我哋家族嘅工厦租客,由一個單位租到13個單位,後來搬走咗。肥彭做督爺時嘅工貿處,話金利來嘅來源證有問題,所以咪話唔信風水呀。

東華三院用嘅總理呔,由金利來升呢上Hermes,都可以話係最豪氣嘅董事局,此乃流浮山夠gas也(夠豪氣)。正所謂長江後浪推前浪,派頭勁過你啲叔父輩。祝我哋冚班總理、能夠薪火相傳、代代富貴。疫情之下,本少爺自會顯身價,如果唔係,俾啲後輩批評我哋啲前塵總理捐錢只係一次過,正所謂社會動盪,匹夫有責,期望東華能夠好似新光精神、服務人群兼「豪氣」長存。

----------------------------

無懼白色恐怖 黎智英劉細良開講抗港版国安法

立即收看ChannelNEXT《人民學堂》

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!