• 【脫離陳秀珠「母女相」】《殺手》譚嘉儀五官進化史
  • 2020-07-18    

 

娛樂圈,經常聽到呢句:「紅咗,人就靚咗!」

順眼咗,靚咗,真係有幾多個係靠天生麗質。最近有網民留意在《降魔的2.0》飾演洋娃娃精靈莉莉,又在最近《殺手》飾演專責清潔現場處理屍體的清道夫沝淼淼,即《超級巨聲3》出身的譚嘉儀,外貌突飛猛進,令進化史女藝人名單,再添一員。

出道九年,現年31歲的譚嘉儀,2011年在《超3》奪季軍入行。雖然能自彈自唱,唱功不錯,但因樣貌平凡,在大台呆等數年,更一度想約滿走人。

無乜工開的日子,譚嘉儀靠在fb自彈自唱別人的歌,儲落唔少粉絲。之後決定續約留大台,14年她拍《愛‧回家》演木偶妹時,闊面,短下巴加爆牙,繼續唔起眼。

直至今年初她在《降魔的2.0》得網民注意,歌唱事業亦被受力捧,譚嘉儀開始走入進化史,時至今日,她已由短包面,演變成有女神素質的瘦臉與尖下巴,加上一把金秀髮,仙氣迫人。只嘆一句,現今科技可以將平凡女子「脫離現實」,難怪如今一街都係「女神」五官,要變真係唔難。

雖然有網民話變出尖下巴的譚嘉儀,跟61歲奶奶級藝人陳秀珠撞樣,但其實睇真啲, 18年開始識打扮,但下巴仍未急速向下「發育」及變得「銳利」的譚嘉儀,那時候跟前輩陳秀珠的「母女相」最為接近。依家上緊位,當然要努力進化,跟包包面的陳秀珠斷絕「母女關係」。

+7

----------------------------

無懼白色恐怖 黎智英劉細良開講抗港版国安法

立即收看ChannelNEXT《人民學堂》

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!