• 【賭王準女婿】何超蓮好貼心 陪大陸男友竇驍揀底衫褲
  • 2020-07-16    

 

賭王何鴻燊喪禮告一段落,何家千金超蓮亦終於抽到時間,陪聚少離多、難得來港的男友竇驍外出購物買底褲,相當貼心。

服喪期間,29歲超蓮與31歲竇驍只係以一身全黑素服打扮外出,沿路十指緊扣。或者有時見超蓮心情受至親離世影響,無咩表情,所以男友間中都會講吓笑,隔住口罩都睇得出超蓮被佢氹到笑出嚟。

二人早前(13/7)外出目標明確,主要到服裝店為竇驍置裝,特別係底衫褲,據知佢為陪女友度過喪父時間,以及出席賭王喪禮,喺大陸拍完戲便匆匆來港,明知要隔離14日,但匆忙下準備不夠替換衣物,而隔離期間不可外出,隔離完又忙於喪禮事情,所以直到尾七法事都做埋,超蓮與竇驍終於有時間濕平買底衫褲,順便拍吓拖。

為咗男友,超蓮好貼心,一直主動為男友揀款,又向店員查詢了解,從此證明竇驍確實虜獲呢位「最索千金」的心。畢竟,何超蓮曾在台灣歌手吳克群的戀情上受創,有傳因第三者介入,又有指因與不婚主義的吳克群對婚事無共識,才導致2015年分手收場。之後,就算先後有劉根森、霍啟山、方力申等人獻殷勤,但都難被打動。

直至去年4月,何超蓮被影到與內地男星竇驍於電梯中熱吻,隨即宣布戀情。竇驍能令超蓮走出情傷,且拍拖只不過一年多啲,就贏得資格來港出席賭王喪禮,連日來以超蓮男友身份,隨何家車隊參與多場法事。留港期間,竇驍進駐三房的豪宅,超蓮更晒男友在何家大宅做gym的同居點滴,照情況看,曾坦言希望30歲結婚的超蓮,怕且真的揀定離手,竇驍成賭王三房女婿不遠矣!

----------------------------

無懼白色恐怖 黎智英劉細良開講抗港版国安法

立即收看ChannelNEXT《人民學堂》

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!