• 【直播慶生吵大鑊】林作返家補鑊認錯 直呼裕美做老婆
  • 2020-07-14    

 

拍拖年多的林作與裕美,隨著早前浮面,二人的拍拖生活,無論放閃抑或炒大鑊,作風破格的林作都不介意公開。

日前女友裕美生日,呢頭在家為她切蛋糕慶生,甜到連咀七啖,轉過頭同女友食生日飯,因為掛住工作,搞到為女友慶生遲大到,結果畀裕美狂剷兼爆粗,但林作把拗交過程,開live同網友「分享」,十足真人騷。

生日炒大鑊片出街後,今日裕美回應稱,因林作一早答應會騰出一天空檔陪她過生日,結果食言,令她感到被忽視,加埋遲到,更是火上加油。

至於點解拗交仍不忘開live,且被網民質疑他們耍花槍是做戲,裕美說:「之前我哋傾好一齊做live,因為阿作好鍾意透明度同貼地,唔想正正經經坐喺度做直播,所以生日飯嗰日,佢突然提出開live要求,佢覺得拗交係頗有趣味,想呈現最真實一面畀人睇,雖然嗰刻我真係好嬲,但佢提出開live後,我話︰『是但啦,反正我都會鬧你,咪開囉!』」

激嬲女友爆粗,林作事後跪低,裕美說:「佢之後有氹返,我哋約咗班朋友返屋企玩,佢知我鍾意玩《狼人殺》,佢藉呢個遊戲發言時,竟然話:『我真係好對你唔住,係我嘅錯!』,但食飯時佢又唔認錯,仲駁嘴!」

當裕美女皇一樣的林作,不單無視阿媽對女友落閘,與她在千萬豪宅同居,跟林母住埋同一幢,日前二人鬧完交後,發現補鑊林作為裕美慶生的蛋糕上,寫著「老婆」兩字,拍拖年多,同居﹑公然耍花槍﹑依然直呼老婆,睇嚟佢哋雷劈都分唔開。

裕美曾自爆林作當她如女皇般看待,原來唔止係女皇,仲視佢為「老婆」,在生日蛋糕寫著親暱稱呼。
生日飯吵大鑊,仲要做埋直播,呢啤情侶真係透明度高。
早前訪問,林作對住裕美,好明顯女的吃定對方。
林母不接受裕美,但林作跟裕美卻高調曬愛。

----------------------------

無懼白色恐怖 黎智英劉細良開講抗港版国安法

立即收看ChannelNEXT《人民學堂》

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!