• 【中環寸嘴】拎福臨門個袋實際過揸Hermes
  • 2020-07-09    

 

疫情再爆第三波準備又要閉關啦,記得3月份時,有個老友打電話來,嗌哂救命話真係捱唔掂啲賓妹餸,叫我介紹幾間打包外賣食肆過佢。我就介紹佢跑馬地「彭慶記」啦,嗰時彭慶記老闆同我講,話啲客驚死,話冇人先至嚟食,老闆仲話怕啲材料唔新鮮,丟咗好多野,啲食客咩logic?冇人去食、冇流轉,啲野又點會新鮮?做佢夥計就好,有靚餸做顆計餐!而家生活模式變㗎喇,可以講係飲食新常態。

好似早排端午節食粽,以前冇面子都幾難食到四季酒店龍景軒嘅鮑魚十穀粽,仲要只限堂食無外賣;今年就唔同啦,我一早柯打咗一批送親朋戚友,真係好為我哋老人家著想,驚我地冇牙力,唔喺好似大劉咁「驚你有牙」,隻十穀粽入面嘅鮑魚變咗鮑魚粒!另外香格里拉酒店出品嘅60年陳皮豆沙粽,真係老過你啲人。福臨門嘅出品、要預番兩個鐘頭烚吓先至鬆化,始終中央廚房整,火喉唔夠均勻,不過勝在袋住隻粽個保温袋夠實用,啲阿太話拎住福臨門個袋去街市實用過揸Hermes,加埋上海總會創會會長個女送嘅桃仙子,集齊各路貨式大合照,老友話以為我過大禮,今時今日,做乜都要誇,如果唔係點彈出來?

----------------------------

無懼白色恐怖 黎智英劉細良開講抗港版国安法

立即收看ChannelNEXT《人民學堂》

----------------------------

全新「和你撐計劃」 專享獨家禮遇 實際行動支持《壹週刊》 按此了解更多

壹呼百應 號召有心人 請香港人睇壹週刊 按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!