• 【裕美進駐林宅】林母對裕美堅持企硬:唔會畀機會
  • 2020-07-03    

 

林作、裕美戀事,由二人關係,演變成三角戰,林母對裕美出身、低學歷,及過往負面新聞都極之抗拒,講到明非新抱人選,唔畀入門,若兒子堅持迎娶,林母會斷絕母子關係,強烈警告。

不過逆向思維的林作,繼續跟裕美愛得痴纏,還發展至同居關係,安頓女友進駐林家的麥當勞道豪宅,雖然林母與裕美各住一個單位,但住埋同一幢大廈,出入好大機會碰面,林作已想像碰面時會發生的攬炒畫面:「每次入電梯 ,如果見到就會打架,由頭打到尾,每次打完出來全身瘀血。」

戀林作受壓,裕美開聲求林母給予機會面對面溝通,才下定論:「就算我係罪犯,都要俾機會我上庭申辯,連講說話嘅機會都無,就已經定我死罪。」

對於裕美已進駐林宅,過同居關係,林母:「佢間唔中會喺度,有時會返佢屋企。」裕美開到口想約見溝通,不要未見先判死罪的要求,林母繼續企硬:「唔會畀機會,唔需要。」

何解不肯開綠燈,她說:「知阿仔一時時,即係一時帶呢個,一時帶嗰個,都唔係咁穩定。(壹:係咪穩定先話你知?)佢同我講以事業行先。」

林作同媽咪相依多年,母子情深,今次雖然因裕美令母子各持己見,但冇損關係,講到娶裕美就會斷絕母子關係的「警告」,相信講下啫!
裕美直言在多段戀愛中,唯在林作身上找到幸福感,對方的學識更助她擴闊視野。
林母雖然對裕美落閘,但熱戀中的情侶已過同居生活。
在裕美面前,林作變成大細路,二人拍拖年多,有種默契,女不時為男友細心打點,男則事事為她護航。


----------------------------

全新「和你撐計劃」 專享獨家禮遇 實際行動支持《壹週刊》

按此了解更多

----------------------------

壹呼百應 號召有心人 請香港人睇壹週刊

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!