• 【毅進式英文講唔掂】防暴發爛叫外籍男講中文 秋生:屎坑關刀冇把利,文又唔得武又唔得
  • 2020-07-02    

 

7.1「港版國安法」實施首日,警方在銅鑼灣一帶拉起封鎖線,嚴防市民行街。期間有防暴要求一名外籍男行入封鎖線,並用英語「質問」對方:「You are police?」但外籍男似乎不明白他在說甚麼,防暴深明重要嘅嘢要講三次,再用「加強版」,「質問」多三次:「You are HK police?」

外籍男反問為何要限制他,更話自己是「free citizen」,不斷追問何解要限制他去邊。最後防暴發爛拋出「金句」,叫外籍男:「講中文啦!」令圍觀者爆笑。

黃秋生在FB表示:「You are police?文法固然不對。講中文啦,好!而家呼籲你哋,呢個係非法集會。連中文都狗屁不通。某種主張,公開要求大眾支持為呼籲。屎坑關刀冇把利。經各位提點,後加,文又唔得武又唔得。」

好一句「文又唔得,武又唔得」,網民大表認同,秋生亦神回:「固然係,但係掉得落屎坑,利都變唔利喇!」

不過有網民說:「歇後語引用錯誤!屎坑關刀係文(聞)唔得,武(舞)又唔得。無張利係周身刀仔。」秋生回覆:「利都唔掉落屎坑喇!」

事實上,毅進式英文已非首次成為焦點,去年8月防暴在旺角築起人牆,向外籍記者說:「We are not a background ar!I am working ar!We are not playing ar!We are not a background for you take a photo……」

一哥PK鄧自言跟成龍學做警察,咁香港警隊係咪要跟成龍學埋英文呢?

秋生有感而發。
神回網民。


----------------------------

全新「和你撐計劃」 專享獨家禮遇 實際行動支持《壹週刊》

按此了解更多

----------------------------

壹呼百應 號召有心人 請香港人睇壹週刊

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!