• 【中環寸嘴】香港人不再是高等華人了
  • 2020-07-02    

 

「煙仔何」早前係佢自己有影響力嘅媒體度講, 話香港嘅僑胞平靜咗之後,就會返番嚟香港。據細佬我...中學已經喺北美洲打滾,亦係洛杉磯榮譽市民所體會,宜家呢個疫情喺美國急爆, 如果在他鄉走出咗唐人街,隨時俾人招呼㗎!啲白鬼嘅心態係,你低級嘅華人就話你corona virus,高級嘅就話你洗dirty money,呢吓野我有好深既體會。所以細佬我昔日「I belong to Four Seasons」而家都要講「I belong to China Town」,奉勸各位想移民外國、讀書或生活就要跟「宇宙最強」嘅甄子丹去食幾晚夜粥,話晒佢以前都係唐人街教武術, 咁就家宅平安。 以往係母校多倫多大學, 靠近唐人街同埋舊嘅四季 酒店,食得多雙拼飯,都想跟番香港上流社會嘅模式, 去四季酒店鬆一鬆,宜家我就要踎唐人街,就好似係美國上市嘅大陸股咁, 返來香港上市,正所謂 「我軍撤退有利陣地」,不過就撤退咗去一個褪色嘅buffer zone,顧住被新加坡取代,現實就係香港將個buffer zone自我封閉,大家唔見美國總統Donald Trump同北韓金仔,都係揀咗新加坡呢個地點舉行首腦會談咩?

----------------------------

APP 內訂閱 《壹週刊》

1Click 搞掂 輕鬆簡便

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!