• 【Ben Sir學堂】藉「好lan2鍾意香港」教中文 並笑指立國安法存邏輯問題
  • 2020-07-02    

 

《港區國安法》生效,多項條文範圍被指闊過西隧,容易觸法。昨日7月1日,大批市民到銅鑼灣「行街」,其中就有人因藏有「香港獨立」旗幟、展示「香港獨立」標語而被拘捕。

咁,有市民展示「我哋真係好X鍾意香港」直幡,應該安全啦!應該安全之餘,相信亦是很多港人心聲,引起很多人關注這句「我哋真係好X鍾意香港」,Ben Sir歐陽偉豪就是其中之一,藉此在社交網站上開post教中文,他說:

「"我哋真係好lan2鍾意香港",呢度用lan2,因為呢個字較中性(注意:中性唔等於中間派),可褒可貶;但gau1就傾向貶義,多形容gau1嘢。如果話"好gau1鍾意香港",呢個可能係新香港,我哋唔熟悉嘅香港。」粵語真係博大精深,故市民展示標語亦要小心,避免用咗傾向貶義的「我哋真係好gau1鍾意香港」,你懂的。

另外,Ben Sir亦提出了一個關於《港區國安法》、值得一笑的邏輯問題,他說:

「一個地方的執法者未能確保國家安全才立國安法。但國安法又指明該地執法者執法確保國家安全。結論:沒能力確保國家安全的執法者去執法確保國家安全。(國安法我忍到,邏輯問題我忍唔到,係呀,我笑到好辛苦呀)#bensir #我真係好X鍾意篤爆邏輯問題」對此,有網民留言給Ben Sir說:「中式邏輯你識條_咩。」


----------------------------

全新「和你撐計劃」 專享獨家禮遇 實際行動支持《壹週刊》

按此了解更多

----------------------------

壹呼百應 號召有心人 請香港人睇壹週刊

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!