• 【回歸23年|百感交雜】王宗堯:佢哋要攬住權力同利益到幾時 黃秋生:仲可以有乜嘢感覺
  • 2020-07-01    

 

回歸23年,香港風雨飄搖。「港版國安法」一錘定音,這個7.1令港人沒齒難忘。

演藝界噤若寒蟬,被控暴動罪的王宗堯慨嘆:「大家對於未來係好擔心!」身在台灣的黃秋生亦坦言:「仲可以有乜嘢感覺!」

從此只有眼前路,沒有身後身。香港,回不到,過去!

王宗堯:香港究竟進步定退步

「港版國安法」在回歸23周年前夕通過,港人百感交雜。

過往都有參加7.1遊行的王宗堯,接受本刊訪問時,直言感覺複雜。

「好多年都會有7.1遊行,係一個香港人表達訴求嘅活動。大家喺呢一日回憶過去一年,香港究竟有冇進步或者退步,或者呢一年整個社會氣氛有冇唔同,有冇慢慢變得愈嚟愈接近2047呢?」他說。

經過去年的7.1,一切變得不一樣。

「係咪對外有個酒會就歌舞昇平,香港依然安好?室內無限聚令,龍門係咪繼續任佢搬?今日有唔少小朋友被法庭判入獄,究竟未來係屬於呢班人(權貴),定係屬於下一代?究竟呢一班收成期、有政治目的同利益嘅人,佢哋要攬住呢啲權力同利益,直至幾時呢?幾時先至可以真正有人為香港人,或者以往一直喺香港土生土長嘅香港人,為佢哋諗吓未來應該係點樣?淨番呢二十幾年應該係點樣呢?」王宗堯不吐不快。

雖然言語間相當悲觀,但昨日他不忘在facebook鼓勵同路人:「大家都在擔心着,明日之後……(回歸)23年,走了50年差不多一半嘅流程,經歷了100年似的巨變……不要害怕將會出現的白色恐慌…而要記住未來彩色的彩虹,用五顏六色的小紙張,寫下自己的歷史……寫下對未來的盼望。勿忘初衷。」

黃秋生:希望大家平安

現正身在台灣拍劇的黃秋生,對於香港的現況,坦言:「你睇到八十幾歲揸住支棍篤吓篤吓嘅阿伯,都俾人拉,仲可以有乜嘢感覺吖!真係希望大家平平安安啦!從來未試過有咁樣嘅感覺,大家平平安安啦!」

由於性格敢言,近年秋生慘受打壓,之前直認經濟有壓力,面對困難,他歎謂:「我頂唔住,但係頂唔住都要頂,我唔想,成日都偷偷地喊。」

他早前已刪除一些facebook發帖,更說:「突然間覺得唔應該再喺嗰個平台,同啲人糾纏,所以咪停咗。依家擺吓啲煮嘢食、飲吓茶嘅相就算,但係咁都俾佢block埋,好似連飲茶都冇資格。」
黃秋生向來敢言,在網上發出不平鳴。

鄭敬基:望演藝界發聲

鄭敬基對香港感情深厚,對於未來,他仍抱一絲希望。

「我呼籲演藝界,之前冇出嚟呼籲過嘅,不論係歌唱界、演藝界,以前冇發過聲嘅,因為有大台背景、合約,而如今再冇合約捆縛嘅時候,希望你為香港下一代發聲。」他說。

他指今年可能是大家最後一次為香港發一個IG貼文、拍一段片或影一張相,「將你哋嘅感受,那怕只係一兩個字、一支蠟燭,都請你哋發聲。因為如果大家再唔一齊,喺七月一日表達自己渴求,為香港發聲嘅時候,以後只可以坐喺度,後悔當日自己點解冇做到呢件事,只係回想以前嘅光輝,但心裡面有好多後悔。」
鄭敬基怒剪大台職員證,表明立場。

張惠雅:原本嘅香港好靚

張惠雅(Regen)同樣關心社運,尤其想為年輕人打氣。今個7.1,她感受甚深,嘆謂:「原本嘅香港好靚,香港人有好特別嘅特質,好聰明、適應力都好強,可惜最有能力嘅後生一輩被壓榨,希望香港會有希望、奇蹟出現!」



我們都愛香港,愛這片土地,同心同行。香港人,加油!
張惠雅希望香港有奇蹟,想為港人打氣。


----------------------------

全新「和你撐計劃」 專享獨家禮遇 實際行動支持《壹週刊》

按此了解更多

----------------------------

壹呼百應 號召有心人 請香港人睇壹週刊

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!