• 【真女神/真港女】 被網民爆臭寸兼無禮貌 前大台主播陳嘉倩:而家冇證據就可以隨便定義一個人
  • 2020-06-26    

 

前無綫新聞主播陳嘉倩離巢後,先後為香港電台、ViuTV做節目主持,又晉身KOL界,以嘉倩BB人靚聲甜,跳出主播一樣好受網民歡迎,IG有超過18萬的followers,FB專頁亦有近10萬讚好者,人氣高企,深受廣告客戶支持。

不過「人怕出名豬怕肥」,近日有網民在FB爆料,話要代朋友出氣,鬧爆宅男女神陳嘉倩「臭寸」,帖文內容:「最近公司同一位前cctvb嘅新聞主播傾合作,以前都聽過好多記者朋友話佢好臭寸,我都唔信,話晒都係宅男女神呀,點會唔識得待人接物。點知,佢真係好L high high,十問九唔應。平時約傾嘢,最L少遲1個鐘,我忍!因為我係small potato,原來記者訪問,佢都要人等個幾鐘!劉德華都唔會咁喇!以為自己係咩?姐仔?IG有18萬粉絲好威?對不起!你連做人最簡單嘅禮貌都未識!請收皮!以後希望更多人認識你嘅死人性格!拜拜!」



雖然嘉倩BB畀人不公開名鬧爆,但亦有不少網民力撐,留言反駁,又叫對方拿出證據等。對於被指「臭寸」及遲到,嘉倩BB回覆傳媒說:「都好莫名其妙,我都冇約過傾嘢或記者遲一個鐘,我諗同我合作過會知我係一個點嘅人。」除了沒禮貌,亦有網民留言爆料指嘉倩BB雖然有醫生男友,但仍與50歲總理去歐洲旅行,又獲送手錶、貓等禮物,對於有關事情,嘉倩BB只表示:「唔係事實嘅嘢唔回應啦,感謝。」對於網民指控,嘉倩BB終於忍唔住在IG間接回應:「原來而家冇證據就可以隨便定義一個人嗎?噚日余浩宗(前無綫電視新聞主播)話我係男人,唔通我就真係男人咩?」除此之外,她還特別hashtag「一笑置之」、「而家社會上有更多事值得你關心」、「花時間做有意義嘅事對身心更有益」等句字,別有用心。

嘉倩BB憑住人氣,跳出主播生涯向KOL界發展後,即惹是非,三年前被爆做第三者,介入陳志遠與大台藝員朱婉禎的三年情,東窗事發後嘉倩BB被迫跟陳志遠斬攬,為女神形象插水「止蝕」,而男方亦一度乖乖返回正印身邊。

+4


----------------------------

全新「和你撐計劃」 專享獨家禮遇 實際行動支持《壹週刊》

按此了解更多

----------------------------

壹呼百應 號召有心人 請香港人睇壹週刊

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!