• 【同胞都嫌棄】何君堯推國安法MV 藍絲陸民翻牆坦言:很難聽,耳朵流產了
  • 2020-06-23    

 

繼人稱「鼠王芬」嘅梁美芬帶領經民聯後輩合唱《點解要攬炒》後,2019年區議會選舉落敗後被嘲「何已完」嘅何君堯,日前亦與其「戰狼縱隊」的隊友——華記、黑超哥及大衛Sir,推出歌曲加MV《國護君安》。

比「鼠王芬」嘅《點解要攬炒》更威水,事關連中央電視台都播放「何已完」首《國護君安》,仲一度登上百度熱榜,有成三百幾萬人搜索,然後微博之類的大陸網站湧現大量讚好留言:「MV太棒了」、「帥氣F4」、「時代最強音,護安真英雄」、「直接特首,希望國家重視,給予何生特首職位」。

嘩!真係讚到「此曲只應天上有,人間哪得幾回聞」咁款!不過,誠如杜甫《贈花卿》,愈讚得直接,愈有譏諷意味。好簡單,將目光移離牆內網站,轉去需要翻牆的Facebook睇睇,不難發現簡體字用戶立即搵返正常人應有的審美,並變得誠實兼勇於講出真相:「從音樂角度來講《國護君安》是很難聽啦,耳朵都快流產了!誰叫我們是藍友呢,再難聽也會支持。」

講真,《國護君安》MV畫面就係一班大媽各自拎住兩碌軟賴賴嘅嘢,再圍住四個唱到走晒音嘅中佬係咁揈,咁都值得14億人喺牆內不理好醜地大讚?講白啲,繼續「圍爐取暖」拒絕承認事實罷了,你估真係有得揀,佢哋會唔「Sir this way」?據聞,北京出現新一波武漢肺炎後,熱愛祖國但手持綠卡嗰班,飛都飛唔切。

+11


----------------------------

全新「和你撐計劃」 專享獨家禮遇 實際行動支持《壹週刊》

按此了解更多

----------------------------

壹呼百應 號召有心人 請香港人睇壹週刊

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!