• 【搬完又搬】26歲馮盈盈偕家人睇千萬新盤 幫完前度又幫家人供樓
  • 2020-06-22    

 

去年與醫生男友Martin鍾文浩於何文田皓畋「同居試婚」的馮盈盈,因「相見好,同住難」,最終分手收場,雖然有傳馮盈盈有份俾首期,不過二人對單位都毫無留戀,先後火速搬出舊愛巢,並將舊愛巢放租。而馮盈盈則以月租約19,000元,租住深水埗新盤匯璽。

昨日父親節,馮盈盈被發現現身紅磡售樓處,與家人參觀長實的將軍澳新盤《SEA TO SKY》示範單位,而且主攻睇3、4房大單位,據知該類單位售價分別約1,100萬及1,800萬,馮盈盈向傳媒表示因為家人有意置業,所以趁父親節一齊睇樓,又指不介意夾份俾首期及供樓,有財力兼有孝心。

現時獨居的馮盈盈,早前被本刊踢爆暗撻大隻主播鄭衍峰,不但借出價值60萬Tesla靚車畀對方任揸,男方更擁有馮盈盈屋苑的「住戶證」,隨時可以自出自入馮盈盈香閨,而鄭衍峰亦多次被屋苑住客遇見,不過馮盈盈至今仍死口唔認戀情。曾為前度畀首期,如今想買樓安頓父母,唔知下一步,呢位「女友」唔怕蝕底,願意出心出錢的馮盈盈,會否同新歡鄭衍峰秘密置業築愛巢呢!

馮盈盈日前陪伴家人參觀將軍澳新盤示範單位,有意購入3或4房大單位。
將軍澳新盤SEA TO SKY,3、4房單位售價分別約1,100及1,800萬。
馮盈盈現時以月租約19,000元,租住深水埗匯璽。
被指暗撻馮盈盈的鄭衍峰(左二),被指有馮盈盈所住屋苑的住客證,可隨時自出自入。


----------------------------

全新「和你撐計劃」 專享獨家禮遇 實際行動支持《壹週刊》

按此了解更多

----------------------------

壹呼百應 號召有心人 請香港人睇壹週刊

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!