• 【江華最大嫌疑】伍詠薇爆前輩遲到失蹤扮大牌:佢話知你死
  • 2020-06-21    

 

由伍詠薇(伍姑娘)和林盛斌(Bob)主持的大台節目《Tiger's Talk》,日前請來黃宗澤、吳卓羲和苗僑偉(三哥)任嘉賓。

伍姑娘在節目中大讚三哥是好前輩,但她講到「難忘的前輩」時,自爆曾遇過一位前輩扮大牌,更對同劇拍檔態度很差。

「嗰時我喺娘家(亞視)過嚟呢邊……」她扮該前輩的招牌chok樣,並說:「咁我唔講邊個喇!」但吳卓羲心領神會,笑說:「好神似喎,應該係嗰個囉!」

相信該前輩真的令伍姑娘非常難忘,她歷歷在目般憶述:「(該前輩)唔會教(戲)呀,直情可能嚟到慢慢講啦,講錯咗再嚟過,你濕晒你嘅事,或者佢會唔到、遲到、失蹤或者8個鐘後先返工都係咁樣。」

被問到對方身份時,伍姑娘說:「我講你聽我死梗喇!」至於當事人是否尚在,她即說:「梗係尚在啦!」

「佢以前好衰,不過依家好好人」

伍姑娘擺出chok甫士,對三哥說:「你五虎有邊幾個吖?其中一個,嗰個人好鍾意學佢(五虎其中一位)嘅,唔講邊個喇!你五虎內都有其中一個。」

但她不忘補充:「佢以前好衰呀,不過依家好好人,以前睬你都儍呀,如果見到你哋後輩點,話知你死,望都唔望你一眼,我心諗『吓』!」

Bob追問,該長輩姓名是否得兩個字,伍姑娘反眼說:「死喇今次,人哋冚家嚟打我咁點呀?」

多得伍姑娘的提示,網民差不多一面倒猜該前輩是江華,但伍姑娘接受傳媒訪問時,笑說:「係邊個我真係唔會講,我喺節目度爆呢樣嘢,純粹係大家分享自己一啲經歷,都係想大家笑吓、估吓,我絕對唔係想去傷害人。同埋人會變嘛,對方都變咗,變得好好,我哋大家再碰面都完全冇嘢,總之邊個我就一定唔會講。」至於江華就未有回應。
二人曾在《無業樓民》中合作。
伍姑娘跟江華拍過不少對手戲,而且同樣來自亞視。
江華被指喜歡扮劉華。


----------------------------

全新「和你撐計劃」 專享獨家禮遇 實際行動支持《壹週刊》

按此了解更多

----------------------------

壹呼百應 號召有心人 請香港人睇壹週刊

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!