• 【目擊馬明湯洛雯拍拖】吳岱融樊亦敏催婚:馬明請飲一定會到
  • 2020-06-16    

 

藝人吳岱融和樊亦敏及杜大偉,今日被邀擔任嘉賓,出席環球大聯盟集團的元朗分店正式開業,在現場大講近日人氣話題「馬湯戀」。

對於近日馬國明與湯洛雯公開戀情,獲得全世界祝福,正與馬明趕拍電視劇《BB大晒》的吳岱融坦言戥他高興:「大家很開心,佢(馬明今年46歲)都唔細啦!我30幾歲結婚,當時都畀人話遲婚。我得到最佳男配角嗰年,馬明攞最佳男主角,全場立即企起身拍手,可見佢人緣好好,靚湯嫁到比佢都好有福。」Amy即附和:「咁馬明娶到靚湯都好啦!平時馬明收工即刻走人,拍呢套劇,佢經常喺化妝間等蕭正楠,仲以為佢好想同蕭正楠傾偈,原來佢係望緊第二個人。」吳岱融再爆兩人在公司拍拖:「我見到佢經常同個古裝女俠(湯洛雯正拍古裝劇))喺公司好好傾,仲要唔止一次。佢哋之前話由自己公布(戀情)唔係咁好,畀人影到先會親口承認。」Amy又接口:「咁早知我哋幫佢公布啦!」二人表示如馬明請飲喜酒,一定會到賀,同時向「馬湯戀」送上至誠祝福。


----------------------------

壹呼百應 號召有心人 請香港人睇壹週刊

按此了解更多

----------------------------

APP 內訂閱 《壹週刊》

1Click 搞掂 輕鬆簡便

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!