• 【擔心安危但堅持拍《警棍》】如果被消失 王喜哽咽:就算係燒屍,個樣爛晒父母都認得
  • 2020-06-15    

 

藝人鄭敬基(Joe)自表態支持抗爭,除不時為同路人發聲,又舉行網上音樂會,邀請同路人分享近況。日前Joe更與網台合作,舉行《追一個實驗音樂會》,邀請王喜擔任嘉賓。

在「港版國安法」的陰霾下,Joe十分擔心王喜,更表示:「我最近見到佢開始失眠!」

王喜認為外界對他的擔心,主要源自他所創作的《警棍》。他指有不少人鼓勵他繼續做,但又叫他保重,「同一個人叫我繼續做,但係又叫我保重,精神上好大負擔,究竟叫我去死定叫我唔好去死」。

Joe指王喜很孤單,但他反而覺得沒牽絆是好事,表示:「孤單唔使令人擔心,身邊無其他人同我瞓,唔使擔心。」言語間十分傷感。

關於兩個月也未有新一集《警棍》,原來王喜正有新搞作。

「有一個比杜生(杜汶澤)更大的集團,協助製作《警棍》,希望可以做得更好,不過唔知(港版)國安法過咗之後,呢個集團仲可唔可以繼續運作。」

其後二人合唱《邁步向前》時,同時被歌詞打動,唱至眼紅紅,更相擁互勉。

Joe問王喜有否擔心個人安危,王喜坦言近期也留意身邊有沒有可疑車輛,「都有驚,會留意啲私家車係咪有人,但係又唔落車」。

他憶述當年仍任職「香港皇家警察」時,負責帶領家屬認屍時,「就算係燒焦、幾臭都好,父母都會認得,唔係因為件衫認得,係個樣爛晒都認得」說時一度哽咽,不能說下去,後來更感觸落淚。

二人隨後合唱早前網上流傳的《明天會更好》原版歌詞,Joe說:「上世紀90年代寫的歌詞,預言2020年的香港。」

王喜直言不信明天會更好,他認為:「要先啃晒當下最唔想、最不法、最不堪入目嘅野,先可以期望明天會更好!」

祝福王喜好人一生平安!

日前鄭敬基搞網上音樂會,邀請王喜任嘉賓。
二人合唱《邁步向前》時,一度眼紅紅。
王喜自製的《警棍》,經常諷刺警方,擔心成為秋後算帳的目標。
鄭敬基曾參演王喜的《警棍》。
王喜講到有否自身安危時,以「無論點父母都會認得」,並感觸落淚。


----------------------------

壹呼百應 號召有心人 請香港人睇壹週刊

按此了解更多

----------------------------

APP 內訂閱 《壹週刊》

1Click 搞掂 輕鬆簡便

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!