• 【馬明湯洛雯拍拖】黃心穎繼續釣「泥鯭」 孖住送唐狗做絕育手術直落返屋企
  • 2020-06-15    

 

46歲的馬國明,自從「安心事件」後一年,一直保持單身。日前,他被踢爆跟細13年,33歲的湯洛雯拍拖兩個月,戀情曝光後,兩人更大方在IG甫相承認戀情,不少藝人好友皆紛紛留言送祝福。而相隔10小時,馬明和靚湯的「認愛」IG Post更分別有8萬和9萬多人畀Like,認真好反應。

當大家送上祝福之際,也有人關注馬明舊愛,湯洛雯好姊妹黃心穎的反應,黃心穎在接受傳媒電話訪問時表示:「祝福佢身體健康、平安。佢私人嘅事留番畀佢回應。」

馬明湯洛雯拍拖兩個月,大方認愛。
兩人在IG甫公仔公佈戀情,十個鐘獲共17萬LIKE。
湯洛雯跟黃心穎曾經係好姊妹,黃心穎30歲生日P,由湯洛雯一手包辦。


別以為黃心穎心裡不是味兒,原來早已放低前度的她,近年也不愁寂寞,自從遭公司勒令停工後,她曾經被拍到跟樂隊組合Rubber Band鼓手泥鯭帶狗睇醫生。曾經公開跟女友曬求婚戒的泥鯭,在去年更突然回復單身。日前,本刊又拍到黃心穎揸車送唐狗睇醫生,跟早在診所等候她的泥鯭會合。兩人在診所照顧要接受絕育手術的唐狗,表現合拍,不講不知,本來是貓痴的泥鯭,近年也養有一隻同種的唐狗,比黃心穎的一歲唐狗年紀略大,可能比較熟知這種唐狗個性,所以前後兩次帶唐狗睇醫生,黃心穎都要請泥鯭幫忙陪伴。

據知,對於泥鯭成為黃心穎的「新兵」,身邊隊友都有溫提,叫他謹慎處理這段關係,不過泥鯭未有特別反應,跟黃心穎繼續有來往。

不過當日睇完醫生,兩人步出診所後,泥鯭見有記者即時擰轉面,而黃心穎則只回答帶狗睇醫生:「帶狗仔做絕育手術!心情ok,只係照顧隻狗仔。」至於何時復工,等待的心情如何,她有禮貌地拒絕回應。手術後,黃心穎和泥鯭坐電召七人車離開,泥鯭更不避嫌跟她一起返屋企,但只逗留半句鐘即走人。
+6


----------------------------

壹呼百應 號召有心人 請香港人睇壹週刊

按此了解更多

----------------------------

APP 內訂閱 《壹週刊》

1Click 搞掂 輕鬆簡便

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!