• 【見晒雙方家長】馬國明直認年紀唔細:我媽咪都幾鍾意湯洛雯
  • 2020-06-13    

 

馬國明(馬明)與湯洛雯(靚湯)相戀,真係估唔到。更加估唔到嘅,係佢哋進展得相當快,已經見晒雙方家長,事關馬明終於大方正面回應傳媒提問,直認:「我見過佢(靚湯)父母,佢亦見過我父母,一齊食過飯。我媽咪都幾鍾意佢。」

另外,馬明亦暗示有意做人夫。「而家大家覺得幾啱發展,所以有共識(唔會避忌),知道大家係隨時可以公開。我年紀都唔細,我從來唔會呃大家,只係睇下幾時適合就會講。」他補充:「我哋之前有共識,幾時俾人影到就幾時講啦,所以我哋都好隨緣。」

馬明表示與靚湯合作完《心理追兇Mind Hunter》後都無乜聯絡,係最近「傾下傾下覺得幾啱傾」,先至覺得可以發展下。於是,二人喺TVB亦毫不避忌,會各自撇低本身劇組嘅人,然後約埋撐枱腳,但又唔會主動話畀人知佢哋咩關係,話:「無啦啦自己講好奇怪,好似做新聞咁。」所以,冇人問佢哋就唔特登講,然後繼續撐枱腳。


----------------------------

壹呼百應 號召有心人 請香港人睇壹週刊

按此了解更多

----------------------------

APP 內訂閱 《壹週刊》

1Click 搞掂 輕鬆簡便

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!