• 【律政司改控暴動罪】鄭敬基狠批演藝人協會坐視不理:好擔心王宗堯
  • 2020-06-11    

 

明日6‧12是200萬人上街反惡法一周年,一年過去,當權者不但未有反思所作所為,更硬推「港版國安法」,日前律政司甚至將多名涉嫌於去年7月1日闖入立法會的示威者,由原本只被控「進入或逗留在會議廳」一罪,改控暴動罪,當中包括藝人王宗堯。

歌手鄭敬基(Joe)在其YouTube頻道上,坦言十分擔心王宗堯,「佢為大家爭取之後,只有幾個人幫佢,而嗰啲演藝人咩會呀,就無理佢哋」。Joe指自己也是藝人,明白每個藝人也想在演藝事業上有所發展,「當佢(王宗堯)投入社會運動,呢啲嘢(事業發展)已經逐漸消失,呢樣嘢令我好心悒,我相信一個演藝人,一定好喜歡自己嘅工作,但佢為香港嘅惡去發聲,佢無貪戀自己嘅事業而唔去發聲,佢更加身體力行,喺好多藝人沉睡緊嘅時候,已經好積極」。

Joe又指「協會」去幫助因疫情受影響而無工開的業內工作者,但對於受到打壓的藝人,卻不聞不問,「當政治立場唔同嘅時候,你就唔出聲,唔理佢,甚至打擊佢。」

日前,前特首梁振英在facebook上,建議所有出席商台及港台的藝人,應該遭到封殺,不准到內地工作,Joe形容這是一個很大的恐嚇,「呢個唔單只係恐怖,係一個恐怖行為」。

對於有演藝人士受到政治打壓,鄭敬基狠批演藝人協會坐視不理。
去年7月1日涉嫌闖入立法會的王宗堯,原被控「進入或逗留在會議廳」,日前律政司決定改控暴動罪。
612一週年,當權者繼續用不同方式打壓異見聲音。


----------------------------

壹呼百應 號召有心人 請香港人睇壹週刊

按此了解更多

----------------------------

APP 內訂閱 《壹週刊》

1Click 搞掂 輕鬆簡便

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!