• 【獨家有相】黎振燁做番好老公本份 醫院陪實老婆睇BB
  • 2020-06-05    

 

早前背住大肚老婆、與前港姐朱智賢在屯門山邊偷食斷正的前港男黎振燁,即時被大台送入雪櫃「急凍」,雖然賠上事業,更被封為「賤男」,但獲老婆念在BB份上,箍煲成功保住頭家,大肚黎太更甘願與黎振燁公開見傳媒齊齊晒恩愛。

當時已懷孕八月的黎太,由於胎兒出現臍帶纏頸,所以黎太決定擇日剖腹產子,日前更成功誕下7磅重胎兒,一索得男,母子平安。

老婆願意「回收」,黎振燁做番好老公好本份,初為人父自然零舍緊張,不但親自為BB剪臍帶,就算BB已經送入嬰兒室,都急不及待想見多幾面。有《壹》仔讀者爆料來相,相中可見黎振燁孖住老婆,齊齊到嬰兒室探望BB。而黎振燁的衣著,與當日等老婆生產時一樣,睇嚟佢返屋企眠一眠,第二日又撲去醫院探妻兒。

二人雖然與BB隔著玻璃,但身穿「住院裝」的黎太,望住BB期間不時與黎振燁耳語,一家三口十分溫馨。而身高6呎1的黎振燁,更不惜烏低身慢慢睇,唔通想睇清楚阿B似邊個多啲?

雖然事業仍處冰封期,但獲老婆原諒,黎振燁成功保住頭家。
初為人父的黎振燁,在待產時表示好緊張,身型亦明顯比之前消瘦。


----------------------------

壹呼百應 號召有心人 請香港人睇壹週刊

按此了解更多

----------------------------

APP 內訂閱 《壹週刊》

1Click 搞掂 輕鬆簡便

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!