• 【胎兒臍帶纏頸】黎振燁駕「偷食戰車」載老婆入院產子:BB有七磅好健康
  • 2020-06-03    

 

港男黎振燁4月暪住大肚8個月老婆,在屯門山邊偷食港姐朱智賢斷正,事發後黎振燁形象插水,即時被大台「急凍」,而黎太則念在BB份上,選擇原諒黎振燁。

由於胎兒早前曾出現臍帶纏頸,所以腹大便便的黎太,決定擇日剖腹產子,昨晚黎振燁一改之前由得老婆獨自去產檢,親自駕駛「偷食戰車」,接載老婆到醫院準備「卸貨」,等足一晚,黎太終於今早順利誕下男B,成功一索得男。

初為人父的黎振燁,雖然迎接小生命,不過眼見事業至今仍未有起色,未有太興奮,面對傳媒訪問只回應「唔方便」,之後就急急腳去探望「新成員」。陪妻兒至傍晚,黎振燁步出病房,問到做新手爸爸有冇幫手湊B攰唔攰?佢就話:「攰,尋日好緊張,唔係好瞓到。」問到有冇抱過BB,黎振燁:「喺產房時抱咗,因為我有入去睇。」因胎兒在母腹時出現臍帶纏頸,故見到BB健康出世,黎振燁話好開心:「BB七磅左右,足月,好健康。」又指太太剖腹生產後要食得清淡。

對比偷食事件前,剛為人父的黎振燁明顯比之前消瘦。今日大台沒安排《東張西望》或娛樂新聞台同事到醫院採訪,已成為大台棄將的他,相信要為養妻活兒打算,努力搵工。

四月偷食事件發生後,黎振燁曾拖住大肚老婆出街晒恩愛,箍煲之餘亦希望挽救事業,更暗示自己只是「受害者」,即時惹來朱智賢男友謝東閔點名鬧黎振燁,「點解一個人用完謊言巧語之後還可以站出來講大話」。

食事件後,黎振燁認錯返回大肚老婆身邊。今日老婆順利剖腹產子,剛為人父的他稱開心,但可能早前為事業煩惱,比以前消瘦。

黎振燁太太今早剖腹誕下胎兒,一索得男。
偷食事件斷正後,朱智賢由男友謝東閔陪同開記者會。
朱智賢至今仍未「復出」。


----------------------------

壹呼百應 號召有心人 請香港人睇壹週刊

按此了解更多

----------------------------

APP 內訂閱 《壹週刊》

1Click 搞掂 輕鬆簡便

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!