• 【陳冠希譴責美警暴】被質問無視香港警暴 小粉紅翻牆維護:NMSL
  • 2020-06-02    

 

美籍華裔的MC JIN(歐陽靖)於IG譴責美國警暴,卻封鎖網民關於「反香港警暴」的留言,做法令人咋舌。

今日,加拿大籍的陳冠希亦在IG出post譴責美國警暴,又強調亞裔人撐Black Lives Matter(黑人的命也是命)。當然,一眾香港網民立即留言,問佢點解唔關注一下香港警暴問題。

對於網民的留言以及質問,陳冠希唔似得MC JIN咁選擇封鎖網民,而係不作回應。

其實乜都唔做,自然有好多「小粉紅」(泛指網路上傾向民族主義的中國大陸青年)翻牆出嚟幫手護航:「冠希哥nb(牛逼),港獨台獨nmsl(你媽死了)。」「香港曱甴真嘔心。」「香港警察殺了你全家多好。」

畢竟陳冠希喺「愛國」方面好識do,功夫做到足,曾經出post強調「身為中國人感到自豪」。武漢肺炎拖累全球以致中國人被圍插一事,陳冠希又表示「COVID-19 ISN’T CHINESE」,氹到大陸人鬼死咁開心。而家陳冠希被質疑雙重標準看待警暴問題,小粉紅自然投桃報李,翻牆出來維護。

不過,並非所有簡體字用戶都站在維護陳冠希一方的,有啲甚至道破:「因為他要賺大陸人的錢啊,當然不可以為香港人發聲。」竟敢道出事實,叫其他小粉紅情何以堪?簡體字用戶「內戰」一觸即發。

之但係,有啲小粉紅好快打退堂鼓仲private埋IG帳戶,事關被人質問:「笑死,甚麼都不知道,你還配翻牆?被觀察者網洗腦了?」此其一。其二,被人發現咁愛國但唔用國貨,而係「食嘅住嘅用嘅都係外國嘢」,立即無言而對。

翻牆出嚟幫加拿大籍陳冠希還拖講句「NB」、「NMSL」都撞板碰壁,相信牆國人愈來愈體會得到「地球是很危險的」,還是返入牆內圍爐穩陣又開心。


----------------------------

壹呼百應 號召有心人 請香港人睇壹週刊

按此了解更多

----------------------------

APP 內訂閱 《壹週刊》

1Click 搞掂 輕鬆簡便

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!