• 【何鴻燊傳記|兄妹決裂】反駁《何鴻燊傳》屈父親破產 十姑娘反指賭王貪錢發國難財
  • 2020-05-26    

 

《何鴻燊傳》中謂在四十年代,父親何世光因炒股票欠下巨債破產,要逃亡越南,留下母親及他在香港。一家幾口只靠母親幫人打工的微薄收入過着貧苦生活,後來何鴻燊更因香港淪陷而輟學,為了前途及家人,孤身往澳門替日本人工作,顯得何鴻燊十分偉大。

之不過十姑娘的《回憶錄》又唔係咁講,爸爸只係做生意蝕了些錢,從來無破產。當時日本仔打到來,香港環境好差,爸爸是好有骨氣之人,他去越南是做生意,並非逃亡!沒多久,生意就上晒軌道,之後仲賺咗好多錢,成日搵人帶錢返香港俾媽媽,我哋環境最差嘅時候,屋企仲用緊十七個工人,媽媽使咩出嚟幫人打工?當時十姑娘繼續說:屋企嗰時根本唔使Stanley養,打仗嗰時係佢自己鍾意錢,走去同日本仔打工發國難財啫!唔該唔好冤枉爸爸同媽媽!

據十姑娘所敍述,當時一家由麥當奴道數萬呎相連大宅,搬往仍屬高尚地段的干德道三層高獨立洋房,港督府亦在它之下,十姑娘記憶中那裡有五六間過千呎大房,還有寬大露台,有地牢讓工人住宿及放置雜物,飯廳放有二十四人的長餐枱。十姑娘說都唔明《何鴻燊傳》做咩寫到爸爸去咗越南之後,Stanley要日日憂柴憂米,憂穿憂用。

----------------------------

APP 內訂閱 《壹週刊》

1Click 搞掂 輕鬆簡便

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!