• 【在晴朗的一天出發】陳志雲談辱警 王喜曾志豪:講明某職業唔俾諷刺後患無窮
  • 2020-05-21    

 

陳志雲與陳聰主持的商台節目《在晴朗的一天出發》,今早請來曾志豪和王喜擔任嘉賓,談及「驚方訊息」被腰斬、《頭條新聞》本季完結後暫停製作的事。

節目上,王喜被問有否覺得連累了《頭條新聞》,曾偉豪說:「佢(王喜)邊度有得做最後一根稻草,佢係第一根,只係比較『大根』,我相信陸續有嚟。今次係王喜,下次可以係第二個,冇話連唔連累……坊間有人話隔開王喜就冇事,你點知下一個要你隔開邊個,隔吓隔吓碟餸就冇嘢食。」

後來提到警察是個保護人的職業,現在卻變成「要受保護的特定社會群體」,更矛盾與諷刺的是,警隊現在要先「受到保護」,然後才有能力或心情去保護市民,王喜笑說:「個畫面好怪!」他與曾志豪又覺得,如果可以咁樣保護「特定群體」,講明某啲職業唔可以俾人講、唔可以俾人笑、唔可以俾人諷刺,然後呢種做法一直延伸落去,成個政府、成班高官、人大政協等等都唔批評得啦。

節目又討論到《頭條新聞》、「驚方訊息」嘲諷警隊是「辱警」,那麼劉江華被社會嘲為「垃圾桶」呢?這麼類似的例子,為何發生在劉江華身上那麼久,卻沒有為他發聲、沒有投訴、沒有處理?

另外,商務及經濟發展局局長邱騰華曾說:「任何廣播機構不能散播仇恨言論。」對此,曾志豪說:「咁根據佢哋把尺,佢鬧蓬佩奧,又有冇俾蓬佩奧一個公平嘅機會去回應,又有冇話鬧蓬佩奧條bite唔出得街?佢哋咁樣定義係後患無窮。」

談及邱騰華又覺得港台道歉是應該的。王喜即嘲:「呢個係佢個人意見節目嚟……大家數數手指,睇下邊個做得衰嘢多,更應該出嚟道歉。」

最後一提,王喜在社交網站上發文:「收到世界各地朋友的問候,異口同聲告誡要注意人生安全。好的,我會多加注意。」一個節目被腰斬,當事人說說看法,其實相當合情合理。不過,這就能令很多很多其他人,都一致覺得當事人已有性命危險。港府與警隊在人心中的印象,已差得不能再差。


----------------------------

壹呼百應 號召有心人 請香港人睇壹週刊

按此了解更多

----------------------------

APP 內訂閱 《壹週刊》

1Click 搞掂 輕鬆簡便

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!