• 【打壓下只剩軀殼】《頭條新聞》峰迴路轉有望免死 曾志豪唔睇好:跟準則即係唔使做
  • 2020-05-20    

 


昨日通訊局裁定港台節目《頭條新聞》,今年2月播出的一集,被指污衊和侮辱警方,通訊局更向港台發出警告,事後港台方面表示,待今季《頭條新聞》播完後,就會暫停製作,以及將裁決中所提及的集數下架。

不過,事件有最新發展,昨晚港台節目製作人員工會與廣播處長梁家榮會面後,指今季《頭條新聞》完成後,會進行大型檢討,之後會繼續製作下季的《頭條新聞》。

主持人之一的曾志豪,昨晚深夜在YouTube開直播談及事件,指通訊局認為節目內「沒有給予充足時間讓對方回應」,例如「嗰段講疫情,但係片段係講反修例運動,不算是回應」、「交待警方回應的片段,加有音樂,似是揶揄」,曾志豪坦言「諷刺完仲要呵返佢」,並指「即係唔使做」。

《頭條新聞》於89年面世,曾志豪認為當時港英時代有自由土壤的氣氛,「諷刺魯平、彭定康,個時玩得仲大,當時的自由土壤令頭茁壯成長」,針對「辱警」指控,曾志豪指「警察先侮辱自己」、「你無做垃圾嘅嘢,就唔會俾人解讀做垃圾」,指通訊局的批評是「荒謬絕倫」。

森爺睇法悲觀


另一主持吳志森(森爺),昨晚也在YouTube講述《頭條新聞》停播事件,森爺自言感到心痛及可惜,尤其過去十個月,眼見不少人被警察以暴力對待,「將本來應該要喊嘅,要拎嚟笑,好痛苦好抑鬱」。

森爺慨嘆將來就算繼續以《頭條新聞》作為節目名稱,「只得返軀殼,已經冇咗靈魂,諷刺、揶揄及批評的元素,唔可以再喺港台存在。」,他又認為王喜的「驚方訊息」會在餘下集數中抽起,「唔通之後每集要唱東方紅太陽升?」,森爺以垂死病人形容《頭條新聞》,「唔俾佢斷氣,但係死期已經好清楚,就係五個禮拜之後,反正已經定咗死罪,仲做嚟做乜。」,言語間對前景頗為悲觀。

《頭條新聞》經歷30年,森爺直言過去雖然感到壓力,但未至於要「下架」,今次踩中「警察」紅線,「警察係林鄭嘅重臣,所以死無葬身之地」,又指中央要清洗本地傳媒,「日子終於來了」,並警告其他傳媒「唔好隔岸觀火,遲啲就到你哋」。

森爺爆料指原來待通訊局報告公布後,《頭條新聞》就要即時停播,「不過有人衝入廣播處處長房講數,最後可以繼續做埋呢五集」,但森爺坦言「呢五集做唔做都罷」。

曾志豪指通訊局的報告是「諷刺完仲要呵返佢」,是荒謬絕倫。
吳志森對前景感到悲觀,直言「做得一集得一集」。
《頭條新聞》開播逾30年,近年不斷受到打壓。
王喜的「驚方訊息」被通訊局指污衊和侮辱警方。


----------------------------

壹呼百應 號召有心人 請香港人睇壹週刊

按此了解更多

----------------------------

APP 內訂閱 《壹週刊》

1Click 搞掂 輕鬆簡便

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!