• 【斷正照講大話】帶蔡思貝返屋企慶母親節 胡鴻鈞死撐:買完嘢各有各走
  • 2020-05-18    

 

胡鴻鈞同蔡思貝去年底秘密撻著,縱然被傳媒踢爆,二人仍死撐不認情侶關係。直至早前母親節正日,在本刊追蹤下再一次斷正,當時胡鴻鈞載住蔡思貝,雙雙離開電視城,到金鐘購物兼買多盒外賣,之後二人一起返回胡鴻鈞將軍澳寓所。重要時節,蔡思貝撇下自己阿媽,跟男友返家與胡母食母親節飯。

拍拖大半年,「蔡鈞戀」抱住打死都唔認的宗旨,今日男方到電台訪問,被問到帶女友蔡思貝返家慶祝母親節,佢就劈大眼講大話,指當日只是陪女方選購耳筒:「買完之後各有各走,冇撇底媽咪。」冇人話你撇底媽咪,重點係蔡思貝陪你一齊慶祝母親節。

唔認情侶,不過被追問同蔡思貝有冇發展機會,為免紙包唔住火,點都要舖定後路。「未來嘅事冇人知,男未娶女未嫁,若有突破性發展會同大家講。」咁又係,娛圈如一個獵食場,俊男美女多的是,大家又點會為一棵樹,放棄整個森林。雙方唔認愛,都係一個自身保障,至少有乜冬瓜豆腐,無需負上劈腿罪名。

母親節當日,胡鴻鈞同蔡思貝一起到金鐘買外賣,準備返男友家跟胡母慶祝。
之後胡鴻鈞駕車,載住女友蔡思貝齊齊返屋企。
二人地下情大半年,出入鬼祟包到冚。
今日胡鴻鈞唔認蔡思貝陪他一起過母親節。


----------------------------

壹呼百應 號召有心人 請香港人睇壹週刊

按此了解更多

----------------------------

APP 內訂閱 《壹週刊》

1Click 搞掂 輕鬆簡便

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!