• 【海洋公園伸手攞50億】劉鳴煒發力上位 顧住貼錢幫富豪教仔
  • 2020-05-18    

 

劉鳴煒呢位「準」海洋公園主席,雄心壯志揚言不排除翻天覆地修改《海洋公園條例》,此富二代似乎已準備發力。

須知道富二代都要經過「考牌」,此一環先得到富豪老豆嘅賞賜。 有辦你睇,賭王廿年前將新濠(200)交俾何猷龍考牌, 睇吓佢如何翻雲覆雨將珍寶海鮮舫及太白海鮮舫轉虧為盈。昔日珍寶嘅賣點係富東方色彩嘅中式裝修、龍椅及龍床,兩味揚州炒飯和豆腐海鮮 湯都做得頗出色,impress到鬼佬旅客,附近的蜑家人當佢係飯堂,何猷龍接手後在海鮮舫頂層,同Amber合作搞酒吧,迎合老外遊客,又安排鬼妺兔女郎坐鎮,不過始終都未能起死回生,要由何鴻燊將澳門角子老虎機等賭業注入新濠來填氹死頂,到今年3月珍寶海鮮坊趁武漢肺炎正式熄燈停業。賭王總算教曉個仔創業難守業更難之道理。

劉鳴煒老豆大劉一直係華置獨當一面,未有機會發圍,今鋪赤膊上陣孭起海洋公園呢個爛攤子,恐防納税人嗰50億要倒貼俾富豪教仔呀!

撰文:宗菁華


----------------------------

壹呼百應 號召有心人 請香港人睇壹週刊

按此了解更多

----------------------------

APP 內訂閱 《壹週刊》

1Click 搞掂 輕鬆簡便

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!