• 【回應訴求再加四場】杜汶澤talk show一個鐘賣晒飛:敵人想你死,你大難不死
  • 2020-05-18    

 

早前杜汶澤宣布11月搞名為《Stand Up Hong Kong香港企硬》talk show,上星期公開賣飛,由於只得兩場,「貨源」稀少,開賣未夠一個鐘已經全部售罄,阿澤自爆知道之後「對眼即時濕咗,好感動」,又話不少人向他反映,「自己一個人去睇兩場,又有啲成班人,因為無相連坐位要買四五個單丁位,令人覺得好感動。亦有話自己行動不便嘅話嚟唔到,其實我哋有輪椅位嘅」。

今早阿澤宣布將會再加四場,自言感到落力演出的重要性,「因為所有呢啲事,會令一個演出者,知道落力演出嘅重要性,而亦都因為愛,令我覺得壓力已經唔重要,抵受壓力係成本嘅一部分,正面啲睇,令人更精神!」

身為CEO的阿澤,仲話已經無當自己係娛樂圈一分子,「成日強調無做呢行,但係好慶幸我依然係一個演出藝人,一埋位,就上身。」阿澤指今次開show,是分享這幾年的奮鬥,「敵人想你死,你大爛(難)不死,已經係一種反抗!」又話對上一次搞talk show,已經是封殺前的事,「當年今日,坐上有好多仲係好朋友,但亦有唔少已經成為陌路人。」

阿澤相隔多年再開talk show,頭兩場飛一小時內售罄。
talk show以「香港企硬」為題,阿澤指會分享近年的奮鬥史。
阿澤指感到有壓力,仲話自己已經不再是娛樂圈人。


----------------------------

壹呼百應 號召有心人 請香港人睇壹週刊

按此了解更多

----------------------------

APP 內訂閱 《壹週刊》

1Click 搞掂 輕鬆簡便

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!