• 【《金宵大廈2》八月開拍原班人馬?】李施嬅繼續分飾兩角 離巢劉江:佢哋未搵我!
  • 2020-05-17    

 

永遠畫公仔畫出腸,或千篇一律的模式,呢類被網民喻為膠劇,雖老是在大台出現,但都偶有台前幕後,一同花盡心思的佳作。去年《金宵大廈》,有別於一貫大台風格,亦令已離巢的女主角李施嬅吐氣揚眉,男主角陳山聰成功翻身。

今日傳出將於八月開拍《金宵大廈2》,劇中監製葉鎮輝稱《金2》的角色全新,不會是Alex與阿蕭的延續,唯一保留是李施嬅繼續一人分飾兩角。

有傳仍在洽談中的李施嬅開出三大條件,包括先睇劇本,原班人馬及提供更多資源。不過對三大條件傳聞李施嬅卻否認,她說尊重編審同監製的心血,並沒開出條件,「依家係傾緊,亦傾到七七八八。」她說。

若再以金宵大廈內其他住戶發生的事,原班人馬演全新角色,相信肯定沒有剛不再續約大台的歐陽巧瑩,即劇中的「Mia」,事關離開大台後的她,做回敢言的自己,常為不公事發聲,轟無能的政策等。

至於該劇另一關鍵人物「林老師」,即資深演員劉江,亦同樣離開效力數十年的大台。本刊問他有否接拍《金2》,劉江說:「無喎!我諗唔會搵我嘞,我都離開咗呢個地方。(記:若以部頭形式搵你合作,你接唔接呢個劇?)都好呀,不過要睇下辛唔辛苦先。」去年底他在台慶頒獎禮透露因大台觸及其底線,令續集談不攏,因而選擇離開效力數十年的地方。若《金2》欠他歸隊,是失色一環。

+4


----------------------------

壹呼百應 號召有心人 請香港人睇壹週刊

按此了解更多

----------------------------

APP 內訂閱 《壹週刊》

1Click 搞掂 輕鬆簡便

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!