• 【相交23年】林保怡講幾次秘送病重李珊珊入院:我一定要搵地方保護佢
  • 2020-05-17    

 

游走經典和現實

入行31年,林保怡在大台拍過不少經典劇。今年,由他監製並主演的《歎息橋》,更被指顛覆一般港產劇的模式,有網民稱是2020神劇。

林保怡演過的角色都比較冷靜深沈,幾乎零緋聞,給人印象不容易接近。原來現實生活中,他說自己很容易被感動,或者我們可以從不同角度,重新認識林他。

「好多人話林保怡冷酷,其實並唔係,我係好平易近人,善良同好有愛心。」他說駕車來訪問途中,看見一個傭人帶着三隻狗外出,其中一隻沒有前腳,他突然有個想法,牠出了甚麼意外?還是被虐待?

對一隻陌生狗尚如此,何況是身邊朋友。

從一個病人出發,我要保護他


這是指跟相識23年,由合作電視劇《鑑證實錄》的李珊珊。15年前開始隱退的李珊珊,原來近幾年一直被受驚恐症纏繞,試過休克,肚瀉不止等,多次進出醫院。其間,她曾求救好友林保怡。

「我對好多朋友都會咁樣做,當其他人好無助既時候,或者情況好緊急,我都會幫佢哋。雖然我同佢屋企相距都幾遠,不過香港又有幾大呢?我送佢去醫院,都係用多少少時間。我本身已經好惹火,再加埋佢更加惹火,所以去到醫院,一定要搵地方保護佢,我要強調唔係匿藏佢,係保護佢。就算單從一個病人出發,只要係我推住一個普通人,有其他人影相,然後會亂寫,佢都已經唔舒服,仲要畀人偷拍,你想像吓幾慘。」林保怡說。

買不到的親密關係


過去數年被病痛折磨的李珊珊,早前終於走出陰霾,更邀請幾個朋友拍了一段短片,其中包括鄭秀文、古天樂和林保怡幫手向患驚恐症者,有情緒病的人呼籲,不要再收埋自己,正常接受治療。

「呢啲關係用錢都買唔到,首先要真心對人,好似我咁。」他補充。

《歎息橋》演員感動哭了


林保怡是個十分有責任感的人,簡單如決定飼養阿水,他養了接近十四年的husky可見。

「我當時考慮咗好耐,問咗專業意見,自己係咪適合,隔咗一段時間到決定去買,又畀人買咗,於是就買咗另一隻(阿水),我責任感好強,係咪好有誠信?我可以話係,如果冇把握既事,係唔會去做,亦會同對方講做唔到。但如果有把握,就一定由始至終做到最好。」林保怡給阿水最好的照顧,阿水不吃狗糧,吃糙米,生菜和雞柳,早前生病,林保怡花了十萬元醫治,不過誠如他所言,買牠回家就要有責任。

對父母,他更加盡心盡力。父母離世,他可以說沒有遺憾。

「爸媽在生時,我會盡量把握時間去照顧佢哋,多啲接觸,例如天氣好,我會同佢哋去西貢飲茶,睇海,佢哋走得好安詳,自己係有傷心,不過唔會太悲傷,亦唔會有後悔。我知道有好多朋友為咗生活,工作,冇時間照顧父母,要安排佢哋住老人院,星期日先去見吓,其實呢啲情況係大家都唔想。」林保怡手上載着一只戒指,是他從爸爸手上除下來,他說有時觸摸到戒指,想起父母,就會去他們安葬的寶福山拜祭。

外冷內熱,林保怡監製的《歎息橋》,拍完後,一班工作人員因不捨而哭了。

「每一位演員喺好緊長狀態下,係完全唔會有好表現,所以劇中所有年青演員,我哋都給予無限空間,鍾意點樣演繹都冇問題,之後我再提供意見,某啲地方需要點樣修改,嘗試另一種演法,然後再重播,睇吓係咪會得好啲?所以陳健朗、談善言都合作得好開心。」在煞科宴上,林保怡說:「佢哋都有喊,因為太感動。」


----------------------------

壹呼百應 號召有心人 請香港人睇壹週刊

按此了解更多

----------------------------

APP 內訂閱 《壹週刊》

1Click 搞掂 輕鬆簡便

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!