• 【海洋公園唯一生存之道 】廟街大笪地 學得尹光要cheap boom boom
  • 2020-05-13    

 

睇到海洋公園向我哋納税人伸手攞錢,本少爺自問有資格去點醒班友,03年沙士之後,我係迪士尼樂園搞咗首個大型慈善ball,為温哥華BC兒童醫院籌款,就此香港就真係重新出發,唔係好似家陣「再出發」唔知去邊度。

香港人硬係有情意結,話要有個屬於香港人嘅樂園,又話要有自己品牌,呢個分分鐘喺「死結」,搞到永不超生。海洋公園要學得尹光,cheap boom boom 都有市場㗎,正所謂cheap有cheap做,横掂都比唔上大陸長隆水上樂園啦,係咪?搞番啲最有香港風味嘅嘢,大笪地、廟街、炒吓東風螺、滾吓避風塘艇仔粥,最緊要加碟「豉椒炒魷」,咁啲管理層先知味道!

海洋公園唔好再學人眼高手低懶清高!搵埋大哥Joe個仔入董事局,可能佢好識歐洲嘢嘅,但乜係香港風味就未必知,又點造出嗰陣味呢?再搵多兩個官坐入去海洋公園都係唔識搞,不如搵荔園創辦人邱德根啲後人入去董事局,秉承邱德根「夠慳、夠cheap」嘅生存之道,做荔園、亞視都賺到錢,邊個話香港冇人材?好過搞埋啲退休高官俱樂部或者舊電池俱樂部吖!

撰文:楊國佳

----------------------------

壹呼百應 號召有心人 請香港人睇壹週刊

按此了解更多

----------------------------

APP 內訂閱 《壹週刊》

1Click 搞掂 輕鬆簡便

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!