• 【人生博一舖】林子博開咪 Bob為入行由月入五萬跌落八千
  • 2020-05-12    

 

去年冇撈大台的林子博,近日出歌《男人心聲》,又開咪主持網上節目《博一舖》,阿Bob二話不說撐場做嘉賓,分享人生博一舖經歷。當年他在城大修讀建造系畢業的他,原已有老師為他鋪路,力薦到一間公司工作,但口齒伶俐的Bob,亦同時遇上機會入新城電台任職營業部,結果揀了後者之下,憑住轉數快又勤力的要素,在電台營業部平步青雲,由入職時的七千薪酬,一年後跳升至月入五萬。

他說若繼續在營業部發展,預計能晉升高職,但在此時又面對人生交叉點,他一直有興趣的DJ職位有空缺,但底薪只有八千,在五萬與八千之間徘徊掙扎,最後你見到今日阿Bob成為當紅MC之一,就知他揀了DJ。

辛辛苦苦在舊職建立的人際網絡推倒重來,得番八千人工,變低薪一族,阿Bob當日抱著一個信念:「我有呢個工作態度,去到邊都係我嘅舞台,今日八千,他日必定八萬,甚至八十萬。」今日,他手摌多個磚頭,在娛圈所賺的已超乎當日博一舖所預計的八十萬。

不過當中都有不少非他能想像的辛酸,09年由新城跳入大台,及大女菲菲對他一席話,林子博的《博一舖》搵到答案。

Bob當年在新城做sales,由七千底薪逐步跳升上數萬,對於畢業年多的新人,確實係超班表現。
他透露當年高峰期月入五萬。
但為當DJ,甘願接受由五萬跌落八千,靠積儲維持生活追夢。
節目中林子博爆阿Bob長女菲菲,曾跟他說希望爸爸多點留在家陪她。
林子博曾一度要照顧癌妻及面對大台無情雞而感吃力,但風浪總會過去,如今老婆身體康復,他事業亦重新出發。


----------------------------

壹呼百應 號召有心人 請香港人睇壹週刊

按此了解更多

----------------------------

APP 內訂閱 《壹週刊》

1Click 搞掂 輕鬆簡便

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!