• 【鄧穎芝怒插猥瑣人渣】以試鏡為名假扮柔術教練 非禮胸襲接觸年輕女子下體
  • 2020-05-11    

 

日前,鄧穎芝在個人Facebook大發怒火,出post貼相指責一名「武術教練」,斥對方以教武術為由,與女學生有過份誇張的身體接觸,包括手掌直接觸及女學生胸部、熊抱女學生、正面挽起女學生大腿讓彼此下體緊貼等等。鄧穎芝在其帖文忍不住爆粗喪鬧:「呢個猥瑣佬(佢絕對唔係一個教練,不管喺知識上定態度上),我希望佢快啲去死,利用別人嘅信任去逞自己嘅淫慾,簡直禽獸不如。」更呼籲曾身受其害的人出來指證該名所謂「武術教練」。

不久後,鄧穎芝指該名「武術教練」原來根本不是武術教練,稱對方為「人渣」,「以試鏡和拍攝為名非禮受害人」,並說已有5位受害人聯絡自己,大家都決定報警以及找社工幫忙,又轉述受害人的澄清:「經過了解之後,當時人亦澄清,佢唔係一個真正嘅武術教練,俾佢非禮嘅都唔係佢學生,亦希望某d人唔好再blame the victims,佢喺演員群組嗰度話有工開、有嘢拍、會有糧出,但要試鏡,所以啲女仔當初以為係拍攝有關運動video先至會去,而去到佢哋又乜都唔識,亦因為以為呢個係一個工作、一個演出機會,佢哋亦希望試鏡之後可以被錄用,所以而被人非禮都唔敢出聲,同怕冇人信佢哋。利用別人嘅無知,利用假嘅機會去呃人,呢個人真係好可恥!」

由於「武術教練」疑似侵犯女學生一事,圖文並茂,因此很快廣傳開去,而且幾乎一面倒聲討「武術教練」。眼見事情愈鬧愈大,該「武術教練」也立即拍片解畫並上傳到網上。他解釋:「佢哋係演員(疑被非禮的女學生),係我畀人工佢哋,佢哋幫我一齊去演繹呢個片。同埋事前佢哋知道,我事前有講到嚟緊會拍條柔術嘅片,佢哋事前係知道,佢哋事中係同意,佢哋事後都覺得無乜嘢……」

事件引起公眾嘩然,健身搏擊運動業界大聯盟亦發出聲明,提醒教練需謹慎、學員需警惕,又鼓勵受害人切勿啞忍,並嚴厲譴責「任何以搏擊教學名義進行侵犯、非禮的敗類」。

不只,公民黨、油尖旺(富柏)區議員余德寶(Andy Yu)亦關注事件,與「鄧穎芝正協助5位受害者,尋求社工和法律意見」,又呼籲更加多的受害者聯絡我們。他更表示經律師意見,「初步判斷男教練梁X武可能干犯非禮、普通襲擊等刑事罪行,非禮最高刑期可判十年監禁。」

+5

鄧穎芝

+5

----------------------------

APP 內 1-Click 訂閱 《壹週刊》

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!