• 【孝順女焗豬蛋糕敬母】富婆曹央雲教女有成績:有粉絲叫我開live教煮嘢食
  • 2020-05-11    

 

凍齡富婆曹央雲大女Audrey,早前因染甲型流感而入院9天,她在醫院貼身照顧直至出院,更自言只有媽媽才會這樣「唔怕死」。女兒病癒後回家,因疫情爆發,三母女一直留在家。疫情期間製造不少小廚神,尤其曹央雲煮得一手好菜,由鮑參翅肚至中西菜式以至甜品,兩個女兒幾乎有機會跟媽咪學煮美食。昨日母親節,兩個女兒特地早起,造了豬仔蛋糕送給她作為母親節禮物:「過去呢幾個月冇工人,我由早餐煮到晚飯,以為母親節嗰日休息吓,自己煮個簡單公仔麵,點知起身就見到佢哋整咗豬仔蛋糕。細心睇吓,嗰嗰都唔同表情,佢哋話雖然喺疫情下,大家心情都有影響,不過要用開心心情迎接,就好似豬仔咁可愛。」曹央雲自言感恩兩個女兒勤力孝順,知道她這個單親媽媽不易為。

難得兩個女兒不用參加課外活動,有時間貼身學煮,但就幾乎每事問:「佢哋問我點解鮮奶唔使加任何凝固物質,只撞落薑汁幾分鐘便凝固?點解烚菜落少少油便可鎖住顏色保持光澤?總之好多點解?如果要逐一慢慢解答,相信第二日都未必煮到一餐飯。不過呢段時間,我哋好多時用新鮮香蕉整蛋糕,因為澳洲有研究報告指出,香蕉某啲成份可增強對抗新冠狀肺炎球菌。」

兩個女兒都有求知精神,不過最重要落手落腳做,所以兩人現在已經煮得有板有眼,曹央雲近日上載不少一家三口炮製的美食照在facebook,朋友都驚訝這位富太原來是真廚神,煮得一手好菜。其間更有粉絲要求她開live教煮,又有朋友笑言要搬家跟她做鄰居,日日食好餸。

其實這位美貌與智慧並重的靚媽,以前一直負責一家大小三餐,連甜品都不假手於人,近年要獨力照顧兩個女兒才沒有時間入廚。

+12

----------------------------

APP 內 1-Click 訂閱 《壹週刊》

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!