• 【願榮光歸香港】廢柴電台老闆 打壓李婉華
  • 2020-05-06    

 

遠在溫哥華的李婉華,因舊年在其電台節目播放過「願榮光歸香港」一曲而遭秋後算帳,被中文電台1470「滅聲」。呢個電台就係當地華人謔稱為「廢柴電台」嘅Fairchild Group(新時代集團)旗下,老闆大有來頭,佢就係昔日新鴻基證券創辦人馮景禧的長子馮永發(Thomas Fung)。發哥雖已貴為溫哥華僑領兼上流社會一族,但年青時都追求過浪漫不羈的人生。

話說發哥年青時在加拿大大學畢業後,被老父安排在華爾街嘅美林證券(Merrill Lynch)工作,但金融界的銅臭令他吃不消,繼而追求自己嘅藝術理想,晚上到紐約大學修讀電影,並無意繼承老父衣砵,但最令老父激心莫過於發哥「不愛江山愛美人」,發哥在港戀上咗社交界美人兼模特兒Amy陳文苓,呢位美人在七十年代有不少富二代追求,但當時為富豪級的馮景禧又焉會看上此姝,認為並非門當戶對,但發哥對Amy死心塌地,仲搞到談婚論嫁,二人不理老父反對遂遠走他鄉往温哥華,並正式脱離老父的新鴻基集團,在他方搞電影、媒體及地產,幸而發哥兩夫婦恩愛到白頭,年屆七十仍經常十指緊扣,羨煞旁人。發哥年青時都有股勁、有理想、點解連播吓首香港年青人嘅作品,都要秋後算帳呢?

馮永發 (中) 與太太Amy ( 左一 ) 2016 與駱易玲(右二、)余詠珊(左二)在其大宅合照。
馮永發的大宅,在温哥華University of British Columbia (UBC) 附近的豪宅區。

----------------------------

APP 內訂閱 《壹週刊》

1Click 搞掂 輕鬆簡便

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!