• 【北上復工兼血拼】袁詠儀完成隔離重獲自由 被爆名店掃貨6手袋16件衫
  • 2020-04-18    

 

袁詠儀出晒名鍾意買名牌手袋,特別對Hermès情有獨鍾,連佢老公張智霖都喺節目上講過「唔好再買包包喇」。

不過,近日就有大陸網民親眼目睹袁詠儀瘋狂、博命、大手入貨!該名網民出Post話:「在恒隆愛馬仕修包碰到袁詠儀了,她買了六個包、十六件衣服。姐是真的有錢真的愛買包。」

本來件事,唔理佢的話,最多只係網上謠傳,但估唔到袁詠儀竟然親自發文回應:「沒有,沒有,澄清沒有,不可能有6個包,都是小錢包。哪有16件衣服,6件衣服都沒有,是帽子,不要誇張,不然,不能入家門,謝謝。」

據知,袁詠儀見大陸武漢肺炎疫情緩和,確診數又低,於是安心北上復工賺人仔,但亦需要在酒店先進行隔離,並最終在16日完成隔離。被困咗咁耐,袁詠儀衝去名店掃貨獎勵自己都好正常。

之但係疫情下,市道唔理想,很多人停職、失業,唯有慳得就慳。見到袁詠儀血拼咁疏爽,真係羨慕唔嚟。

袁詠儀北上賺人仔,但需要接受強制隔離
她被網民撞見在名店血拼
袁事後澄清沒買那麼多,但不久後又彈弓手刪去文字
完成隔離後,袁發文:「盡公民責任,完成了,有愛的酒店為每位隔離的朋友準備一份畢業禮物。謝謝。」

----------------------------

APP 內 1-Click 訂閱 《壹週刊》

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!