• 【發晦氣窒娛樂新聞台主播】呂慧儀不滿拍劇屢被採訪 目擊者周嘉洛:講嘢大聲啫
  • 2020-04-12    

 

由於武漢肺炎疫情嚴峻,不少公開活動被迫取消,無綫娛樂新聞台惟有向藝員同事埋手。呂慧儀對於在錄影廠頻頻被採訪,不勝其煩,竟然搵主播出氣!

有傳呂慧儀昨日(11日)在將軍澳電視城拍《愛·回家之開心速遞》時,疑不滿無綫娛樂新聞台頻頻來採訪,阻礙拍攝。當她聽到主播周佩婷問:「你今日有乜嘢講?」即被觸動神經,發晦氣窒她:「你知唔知我哋拍緊嘢㗎!」

據悉周佩婷是在放午飯時段「博一博」,希望爭取到在開工前10分鐘進行採訪,她與攝影師被窒後,一度無癮離開錄影廠。不過,呂慧儀平復心情後,最後亦有接受訪問。

主播被訓示

有指無綫娛樂新聞台了解事件後,曾訓示周佩婷,並指部門之間要增強溝通,以不影響拍劇為前提。

周佩婷十分避忌,回覆傳媒時,只說:「唔係咁大件事,解決咗,唔好意思。」
在《3日2夜》中,周佩婷曾性感示人。
周佩婷(左)入行4年,本身是言語治療師,過往較少訪問呂慧儀。
呂慧儀否認其事,強調歡迎公司同事採訪。
事發時在場的周嘉洛認為,周佩婷和呂慧儀的對話間沒火藥味。

呂慧儀:我冇㷫

而同劇的周嘉洛、吳偉豪及焦浩軒表示,拍攝以來未曾見過呂慧儀發火。事發時在場的周嘉洛說:「我見主播收到電話之後離開咗,對話間都冇火藥味,係正常對答。」談到呂慧儀平日的表現,他說:「佢(呂慧儀)非必要都唔會發火,只係講嘢大聲,聲線比較高啲,唔代表冇禮貌。」

呂慧儀則否認其事:「我冇㷫,根本唔存在,尋日佢入嚟我哋正放飯,自己公司嚟採訪當然歡迎。」

----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

-----------------------------

【《壹週刊》昔日紙本檔案庫】

30年壹仔經典 壹壹重現!

-----------------------------

【全新電子書平台|壹本書】

《沙士風暴》全面揭露沙士真相