• 【TVB奸人背妻偷食嫩女 】59歲戴志偉搭上美女同事回春 回應出軌U-turn走
  • 2020-04-04    

 

今時今日戴口罩,除了用來抗疫,原來仲有一個功能,就是方便偷食,曾在TVB專演惡人及負心漢奸角的戴志偉,正正把這個口罩功能發揮。

11年他劈炮唔撈TVB後,轉行做保險,現在AIA做到分區經理。不過最近在保險界傳出,這位人夫與一名16年入職的年輕女同事Candy有非一般關係,而壹仔亦發現,這位不時偕妻行街睇戲的甜心老公,原來已出軌。

昔日在TVB,戴志偉擅演奸角。現實中他不時偕妻拍拖行街,外人眼中的甜心老公,沒料因這位嫩口女同事失守。

小三拖戴志偉耷頭行街

早前見到他陪完老婆,轉頭同小三Candy戴住口罩浪漫去淺水灣看海。拖著嫩口女同事的戴志偉,一臉回春樣,打扮亦比以前年輕。

為避耳目,雖然他倆揀人流較少的沙灘拍拖,但一見迎面多人,偷食人夫的Candy,本能反應耷低頭,似怕給熟人認出。

嫩口女同事刺激回春

這位年輕女同事,帶給59歲戴志偉的出軌刺激,從一幕幕拍拖畫面已知一二!當望著從洗手間步出,行得婀娜多姿的Candy,戴志偉即上前逗對方,被氹得鬼咁開心的Candy亦回他一個含情樣,旁人看肉麻的舉動,但在他倆卻相當陶醉。

只分開一個去洗手間的短暫時光,戴志偉已心急拖回Candy隻手仔,十足初戀般發燒。天黑,人夫戴志偉要返家交人,唯有揸車雙雙離開。
他與嫩口女同事Candy到沙灘拍拖,其間表現如初戀一樣的回春。
戴志偉11年離開大台後,轉行做保險,現為分區經理。令人回味其演技的作品有《新紮師兄》﹑《創世紀》及《天地豪情》。

公司避忌 前後腳撐枱腳

二人屬同一間公司,有人夫身份,偷食自然要避忌,故撐枱腳這些飯聚行為,當然前後腳進行。3月24日中午,戴志偉先從公司離開,駕車到公司附近等侯,殿後的Candy過十分鐘才落樓登上他的車。之後二人選了遠離公司,約五分鐘車程的新世界K11享受二人世界。
同老婆結婚幾十年,兒了已大學畢業,夫妻生活難免有老夫老妻感覺。

小三索樣疑加工

撐枱腳其間,除下口罩的Candy露出全相,對比她在ig的相,真身Candy疑似有點人工化,不過前身是化妝師的她,把一雙眼睛化得相當具電力,對住戴志偉又不時放電甜笑,令對方吃得開懷。撐完枱腳,又是前後腳返公司,不知是否為避免同事耳目,他在公司附近一個禁區位放低Candy。

熱戀期總是痴纏!翌日二人再約會,不用上班便揀在銅鑼灣撐枱腳。飽暖後有咩做?戴志偉忽然用手機作狀要為Candy拍照,男友揸機,Candy即擺個嬌俏回頭甫士。嘩,相信只有春心蕩漾的戴志偉最受落。為見一面約食晏,之後戴志偉要交人,小三唯有lonely睇包包。

結婚幾十年老夫老妻

密會Candy後,人夫戴志偉輪到載老婆去尖沙咀shopping。不過當日他只當柴可夫司機,待老婆獨自逛完,校啱時間的戴志偉駕車接老婆一起返家。對比同Candy的甜蜜時光,他的夫妻生活就平淡得多。

識冧女必殺技

59歲的戴志偉,有車有樓,雖然持有的馬鞍山物業,是跟老婆聯名,但一把年紀仍溝到女,相信自有把炮之處。其中音樂才華是冧女必殺技,他曾把自彈自唱片上載youtube,片中拿著木結他彈唱外,還吹埋口琴,真係唱得,彈得仲好吹得。

此外溫柔細心亦唔少得,撐枱腳時,為Candy夾餸加醬汁,體貼入微,冧盡對方。

小三迷魂三式

至於小三Candy亦唔弱,常常報以傾慕眼神,撒嬌及甜笑等男人最受的反應,難怪令人夫戴志偉如此著迷。

日前壹仔向戴志偉求證與Candy關係,他一聽到Candy個名,即加快腳步欲迴避追問,邊行邊說:「我冇嘢講,完全冇咁嘅事,我唔知你講乜嘢。」,對於跟Candy的親暱行為,越走越急的他,更忽然一個U-turn回頭登上其座駕,並說:「完全冇,唔好亂講,完全冇,冇嘢回應。」

不過呢頭問完戴志偉,轉頭Candy個ig,話咁快就set了private,東窗事發,當然第一個要通知當事人啦!

壹仔曾致電Candy,接聽的女子,起初沒有否認是Candy,但一聽到記者的問題,女子猶豫數秒後才回答冇此人,匆匆收線。

同老婆結婚多年,兩個仔都已經大學畢業。希望戴志偉呢鑊嘢拆得點啦!

----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

-----------------------------

【《壹週刊》昔日紙本檔庫】

30年壹仔經典 壹壹重現!

-----------------------------

【全新電子書平台|本書】

《沙士風暴》全面揭露沙士真相