• 【酒吧餐廳健身房全線停業】趙勁皓唔知政府想點:停巿停業但唔封關,我哋停幾耐都係無意思
  • 2020-04-02    

 

32歲的趙勁皓(King),早年被時裝品牌A&F發掘擔任模特兒而入行,雖然拍過電視劇又出寫真集,不過讀大學已經兼職做生意幫補家計的他,八年前問銀行貸款19萬,加上多年積蓄,跟朋友合資開第一間食肆,逐步轉型做生意。

由一開始,生意越滾越大,每日只睡幾粒鐘的King,一度擁有七間舖,不過體力長期透支,為健康着想,King減工作量。去年,手上只減至兩間食肆、酒吧和健身室。年初開始,疫情席捲全球,縱使King如何努力,也難化腐朽為神奇,餐廳和健身室,更早已停業。

「餐廳喺拉閘前,每間只剩7名員工,酒吧就有30位,加埋健室房,大概有70位。其實同大部份業主溝通過,佢哋應該會支持我哋3月至5月租金,所以有某部份員工支一半薪,酒吧員工就出全薪,暫時仲撐得住,但再多兩個月的話,就好難繼續。其實酒吧生意一直有盈餘,餐廳撐咗半年,其中一間欠債差不多達一百萬,不過同業主商量,又同供應商溝通,暫時拖欠一陣,有錢時就會逐步償還。」King坦言面對經濟困難。

為谷生意,King好多時都在酒吧打躉。
拍寫真集,King因而有機會入娛樂圈發展。
King以前一日工作十多小時,自從女兒踢踢出世後,他放在家庭的時間來越多。
他說用了不少心血經營的健身房,是他最不願放棄的生意。

高峰期月賺200萬

由高峯期月賺接近200萬,到倒蝕100萬。雖然政府已推出政策,撥款幫補中、小企業,但杯水車薪,King坦言相當無助。

「有時候會痛心政府政策,唔係幫助社會,真係唔知佢想點,你要求停巿、停業、停工、停學,但唔封關,不停畀外地人入境,我哋停幾耐都係無意思,你見到停巿呢幾日,確診數字依然不斷上升,而確診人數大部分都係回流返港,我唔明白政府究竟想點。如果政府願意封關,我相信好多同行願意停業,令疫情減退。一次性的8萬、20萬援助金,只係夠我地捱一個月,解決唔到核心問題,政府用幾多錢資助中小企都係無用。」King計過數,假設情況未有改善,最先結業應該是餐廳,接着是酒吧,至於健身房,他希望盡量保留。

「健身房係我心血,盡可能唔會結業,寧願辛苦啲,同埋一班兄弟跟咗我好多年,如果結業,要佢哋搵過新工作,我覺得好困難。」在健身界頗有名堂,曾經訓練不少學生如郭子豪等出外參加國際比賽,king自言對一手建立的品牌寧捨有感情。就算疫情結束,要捲土重來,他說並不容易。不過,目前景況已不是個人問題,而是世界性。

員工確診

生意暫走不出困境,King先要在家自我隔離,事關上月29日,有住劏房的確診男,在家四日才獲安排入住醫院,那位黃先生就是他酒吧員工。

「佢好返之後,都會繼續用佢,不過唔會做前線工作,而係做後勤,總之唔會解僱佢。」King保証。

同舟共濟,攜手踏平崎嶇。這位King老闆正發揮香港人精神。

----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

-----------------------------

【《壹週刊》昔日紙本檔案庫】

30年壹仔經典 壹壹重現!

-----------------------------

【全新電子書平台|壹本書】

《沙士風暴》全面揭露沙士真相