• 【冇TVB的日子生活告急】鄭敬基自力更生搞網上音樂會 望港人課金建黃色娛樂圈
  • 2020-03-31    

 

成日講黃色經濟圈,咁黃色娛樂圈大家又聽過未?

懷疑因為支持「反修例運動」而不獲TVB續約的鄭敬基(Joe),坦白講:「無咗大台冇晒job,係經濟困難嘅!」

因為表明政治立場,導致現實生活出現經濟困難,但Joe並無怨天尤人,而係選擇自力更生,好似武漢肺炎呢段足不出戶嘅日子,佢打算致力經營網上平台,例如喺YouTube,明日4月1日晚上10點半,搞個音樂live。其一係以懷念哥哥張國榮為主題,其二係用嚟做個實驗,希望黃嘅人可以支持返黃嘅藝人,鍾意聽、覺得好聽,就課金支持一下,然後慢慢建立起本土黃色娛樂圈,話晒藝人一旦表明立場之後,就會變成搵朝唔得晚,王宗堯、王喜、何韻詩等人就係最佳例子,犧牲咗好多。

Joe話,57歲開口問人攞錢係好大挑戰,咁樣叫人課金覺得唔好意思。不過,為咗求生諗通咗,課金當買張飛入場睇囉。或者,好似街頭藝人表演完,你都會擺低少少錢以示欣賞咁樣。更重要嘅係,人哋課金支持你,並唔係施捨,你更可利用課金繼續堅持自己嘅主場,服務返同一立場嘅人,絕對係個好嘅生態。

另外,Joe亦表示如果大家有興趣,以後可以喺YouTube頻道,講下「沒有大台的日子」,或者以一個離開大台身份嘅人,去解答返觀眾想知關於大台嘅事,都得。

4月1日晚10:30,以懷念張國榮為主題的網上音樂會。
Joe為網上音樂live,準備好晒靚設備。
Joe亦會有YouTube上分享「沒有大台的日子」

----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

-----------------------------

【《壹週刊》昔日紙本檔案庫】

30年壹仔經典 壹壹重現!

-----------------------------

【全新電子書平台|壹本書】

《沙士風暴》全面揭露沙士真相