• 【分手後賣債要問過大劉】傳孖展被斬倉損手20億 呂麗君獨家回應:完全無咁嘅事
  • 2020-03-27    

 

近期各地股市受武漢肺炎陰霾籠罩,經常出現暴升暴跌情況,近日財經界有傳富商劉鑾雄前女友呂麗君,因投資債券孖展被斬倉,估計損失金額高達20億港元。呂麗君獨家向本刊回應:「完全無咁嘅事。」

有傳呂麗君持有的恒大債券及佳兆業債券,早前被追孖展而斬倉,財經界人士指單是債券部份損失數以億計。有指她近期為搏翻身,所以進取做大倉,可惜疫情波及全球股市。據業內人士估計,呂麗君在債券市場上損失達20億元。

不過,原來想賣都未必一定出到貨,上週美國債價突然跌了好多,市場出現超級恐慌,而恒大債券價格亦下挫三成,有資深銀行家指:「跌到mark唔到價,就算要放都無人敢接。」

14年與大劉分手的呂麗君,跟大劉育有一子一女,曾獲大劉送贈不少名貴禮物,單是珠寶已達2億,加上現金及其他資產,保守估計身家逾24億,被大劉形容為超級富婆。

而呂麗君亦從大劉身上,學得不少投資秘訣,大劉曾指她每年單計收息,已經有過億進賬,認真和味。就算和大劉分手之後,呂麗君依然熱愛投資,18年她就以1.3億出售金鐘力寶中心高層單位,持貨兩年勁賺5,000萬!同時亦曾以50萬元,豪買灣仔一個電單車位,毫不肉赤。

但據知,就算呂麗君已和大劉分手,但呂麗君要賣恒大債券,都要先問過大劉,「因為恒大債同大劉關係密切,大劉唔會畀佢放。」而有呂麗君身邊人指:「Yvonne唔係一個狼賭嘅人,佢買債,都唔敢借孖展。」

近日財經界有傳呂麗君投資孖展遭斬倉,損失高達20億元,但她向本刊獨家否認。
呂麗君與大劉劉鑾雄拍拖多年,二人於14年宣布分手。
日前呂麗君在其基金網頁,上載跑步相。
罕有以運動tube top示人。


----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤