• 【美國禁足令生效】 王梓軒超巿撲防疫物品:口罩斷咗兩個月貨
  • 2020-03-25    

 

武漢肺炎蔓延全球,美國疫情相當嚴峻,50州先後頒布居家禁足令,不准任何公眾或私人聚會。

王梓軒個多月前飛洛杉磯進修演藝課程,因疫情關係,課程早已改在家用電腦軟件Zoom上堂,面對禁足令,他除了到銀行及超市外,都乖乖留在家,梓軒說:「我依家出去都會戴口罩同手套,每星期出去一次超市買定啲食物,其餘時間都係留喺屋企,上個星期啲人去超市搶貨,好多新鮮嘅嘢同罐頭都冇晒,得番啲急凍嘢食,意粉都係得番一包,廁紙同廚房紙都冇晒。」



二月初,王梓軒剛抵洛杉磯,他已四出撲口罩及消毒液,梓軒說:「我去咗十幾間超市同便利店,搵消毒洗手液同廁紙,口罩更加買唔到,依家戴嗰啲口罩都係之前喺日本買,呢度一個口罩都買唔到,斷咗貨兩個幾月,所以啲外國人都唔會有口罩用,而嗰啲貨架全部都係吉嘅,搵咗好多間終於有一間有消毒濕紙巾,我都係買咗兩包,留番啲貨俾其他人,廁紙更加要慳住用,每次都係用一格……依家想買消毒嘅嘢就更加難。」。


----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤

王梓軒好有同理心,他指只買了兩包消毒濕紙巾,留給其他人。
除到超巿和銀行,他全部時間留在家。
王梓軒在家煮簡單營養餐。