• 【武漢肺炎│英國頒禁足令】留英鮑起靜儲定罐頭抗疫:公仔麵每人只限買兩包
  • 2020-03-25    

 

早前鮑起靜在《法證先鋒IV》客串一場,爆發神級演技被網民力讚。不過其戲份播出時,她正身處英國避疫,豈料到達英國後,輪到當地疫情大爆發,避無可避的鮑姐形容:「我跳咗入第二個火坑。」,個多星期前她做好防疫,戴口罩外出,卻遭當地人歧視:「佢哋覺得戴口罩就係有病,因為有病先至戴口罩,然後有病點解要外出呢。」今時今日,當地人終於覺醒。

隨著英國疫情肆虐,當地政府由起初採取「佛系」政策,到上週一改態度,宣佈全城進入緊急狀態,除封關,全民禁足3周,不准2人以上聚集,又下令食肆及其他娛樂場所關閉。在英國跟女兒同住的鮑姐,兩日前接受本刊電話訪問說:「現時英國都幾混亂,啲人防疫意識仍然唔係太高,唔係個個都戴口罩,雖然係咁,但我女婿話我知,戴口罩嘅人都比以前多咗,佢哋防疫意識未係好高,我都有啲驚,所以唔係幾敢出去。」

開始禁足,鮑姐有否儲糧充足?「好彩有儲糧,我一早買咗好多罐頭及其他食物,但好多新鮮嘢如雞蛋、麵包,超市就日日開放一個好短時間售賣,但一開就好快俾人搶晒。」

身為港人,鮑姐經歷沙士教訓,一早有防疫意識,故能應付突變。「我哋有過經驗真係好緊要,今日超市已限定只能每人買兩包公仔麵,咁我就兩包兩包咁買,儲定啲糧。」又說今時今日戴口罩出街,不再受後知後覺的英國人歧視。

早前鮑起靜飛去英國探望女兒兼避疫,沒想到英國疫情爆發,比香港更嚴峻。
鮑起靜跟港人一起經歷過沙士,故武漢肺炎爆發,身在英國的她即戴口罩防疫,更一度被後知後覺的英國人歧視,到今日當地人覺醒,她說出街戴口罩,再沒被人眼超超。
她說家裡附近的超市,每日限時開業,食物會一早被賣光,華人愛吃的公仔麵,每人限買兩包。
鮑起靜老公方平身在香港,兩公婆因疫情天各一方。


----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤