• 【仲係有3個女朋友】鄧兆尊自爆狠飛三奶 已結新歡補位:睇吓幾時畀傳媒影到
  • 2020-03-19    

 

新馬師曾長子鄧兆尊,52歲仍然未婚,不過依然令唔少男人羨慕,事關他有三位紅顏知己,包括「大婆」Carmen、「二奶」Cherry及「三奶」Claire。

雖然三女「共侍一夫」,不過多年來四人和平共處,經常被拍到結伴同行,出街食飯更大方坐埋一枱,認真難得。兆尊話對三位女友都一視同仁,所以一直未有結婚打算,因為唔想令任何一個唔開心,難怪Carmen及Cherry甘願無名無份陪伴兆尊逾20年,就算「年資」最短的Claire,都一齊3年。

不過,日前兆尊接受訪問時,就自爆已經與三奶Claire分手,兆尊指因為志向不同,所以與Claire和平分手,言語間不但未有任何留戀,更暗示已經另有新歡,原來搵到「新三奶」,難怪兆尊無半點愁容,仲話成日都同新三奶行街,睇吓幾時畀傳媒影到,認真風騷。

祥嫂在生時,曾指Claire是兆尊「喺骨場揼揼吓骨,揼咗返嚟」,祥嫂仲寸兆尊「唔知佢慳時間定慳腳骨力」。其實,Claire在得寵之後,態度亦十分進取,刻意改變自己外觀,由最初拍拖時短髮戴眼鏡兼一身casual look;轉為留長髮,兼減肥修身,務求在「姊妹」中突圍而出,不過最終亦被兆尊狠飛。

大婆Carmen地位穩固,去年祥嫂喪禮上,是唯一有現身的兆尊女友。
兆尊有三位紅顏知己,如今三奶Claire(右二)已成過去式。
拍拖後的三奶,落力改變造型,修身兼留長頭髮,與舊look截然不同。
三奶最初與兆尊拍拖時,仍是一頭短頭髮。
二奶Cherry出現在兆尊身邊次數算最頻密,經常一齊行街。


----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤