• 【連登力撐「黃」藝人】35歲李綺雯離大台 YouTube頻道即飈升 網民驚呼「童顏極限」
  • 2020-03-18    

 

去年因為表態支持反送中,到早前政府不封關,「𡃁妹」李綺雯敢言發聲,結果與染紅的cctvb立場不一,換來去年底開始,被大台掟入雪櫃,到近日不獲續約。雖然下個月先正式約滿,不過離開大台絕對係塞翁失馬,事關𡃁妹在時下選擇講人話,令連登仔驚訝她原來是「黃到發金」的藝人,加上鋪定後路,不但決心轉營做YouTuber,更開po力撐對家ViuTV劇集《二月廿九》,告別大台,似乎唔係單方面,「𡃁妹」早有離心。



其實入行多年的𡃁妹,演出劇集多不勝數,角色包括婢女、學生、醫生,仲有《愛回家開心速遞》中的大家姐,造型經常變,就連身材也相當百變,不時出現「鬼影變幻球」情況,13年在劇集《情越海岸線》中,一場胸壓沈震軒的場面,更成為當時網民談論焦點。



日前離巢消息一出,𡃁妹人氣不減反升,不但IG追蹤人數增加,連帶新開的YouTube頻道,就算未有內容,一晚就增加5千多人訂閱,感受到「黃色經濟圈」的威力,可算是好開始。𡃁妹對新頻道亦寄予厚望,出po賣廣告叫網民俾意見之外,仲講笑話:「記得㩒埋鐘仔」(訂閱),睇來就算離開大台,亦不愁無出路。

35歲的𡃁妹,17歲參加亞視女優選拔賽贏埋冠軍,順利入行,雖然今時今日已經三張半,不過𡃁妹外貌至今都無太大改變,不但被連登仔封為「童顏極限」,更指她是「黃到金」,一眾連登仔仲齊齊力撐𡃁妹,「為多謝你企出黎做番自己」,仲呼籲其他連登仔支持「黃色藝人」,齊齊follow𡃁妹IG,搞到𡃁妹要cap圖「多謝連登先」。

+5


----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤