• 【保險情緣│天台求婚】Eddie秘娶啤梨好友: 婚後ready做爸爸
  • 2020-03-18    

 

前EO2成員光頭Eddie(彭懷安),與舊愛港姐朱慧敏拍拖七年,15年曾計劃結婚,但二人離離合合多次,最終於前年年底分手,正式劃上句號。

今日突爆出41歲的Eddie,跟同齡並任職保險的女友Ivy排期註冊結婚。由拍拖到成家立室,Eddie對這段感情的保密功夫做到足。原來撮合二人,是其好友啤梨(葉文輝),當日啤梨結婚,死黨之一的Eddie做戥穿石,就在那天認識任新娘姊妹團的Ivy,之後Eddie找對方買保險,展開這段保險情緣。

Eddie說,跟對方相處舒服融洽,家人亦喜歡Ivy,拍拖年多已有結婚打算。於是去年底在家中天台求婚,全程只有他倆,沒有親友在場見証。「當日求婚預備一束花同戒指,將天台佈置下,我已經好緊張,顧唔到咁多嘢,求婚時唔記得攞花,求完先送上。」Eddie說。

疫情下結婚,Eddie話唔會選擇大排筵席。「一來疫症,二來我都只係想兩家親人坐埋食餐飯嘅形式,簡單啲。」問他到時會否宣佈雙喜臨門,Eddie:「唔會啦!但都ready做爸爸,婚後都想快啲要小朋友,但呢啲嘢唔係話想要就有,隨緣啦。」

與任職保險Ivy,由拍拖到結婚都相當保密。去年他為女友搞生日派對,更親手為女友整生日蛋糕,暖男一名。
呢個蛋糕佢整俾媽咪。
Eddie讚老婆Ivy性格隨和,相處融洽,家人亦喜歡Ivy。
前年為好友啤梨婚禮任戥穿石,就在那時認識新娘姊妹團之一的Ivy, 再經啤梨推波助瀾,撮合二人,Eddie拍拖終於開花結果。
同舊愛朱慧敏拍拖七年,期間多番離合,最後分手告終。


----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤