• 【《李屍朝鮮2》】疫情下爆喪屍熱 唐詩詠DoDo姐追劇過日晨
  • 2020-03-16    

 

武漢肺炎肆虐,不少人選擇留在家中避炎,有人在家鑽研廚藝,亦有人選擇郊遊。最近,好多人選擇追劇過日晨。說的是早前才播出新一季的韓劇《李屍朝鮮2》,此劇第一季已受注意,最新一輯在疫情下爆喪屍熱,人人睇喪屍睇到入晒神。



疫情影響,各行各業都飽受衝擊,娛樂圈亦不例外,藝人少咗外快job,爆煲是消磨時間其中活動。愛追韓劇的鄭裕玲《李屍朝鮮2》粉絲,她在ig簡單留言:「睇完,好睇!」,一口氣煲晒。至於視后唐詩詠亦有追看,而且表現得極之沉迷,一口氣連發幾個帖文,留言:「今日下晝4pm,一至六集,一次過睇唔使等啦」、「銀仔睇到扭親條頸嘞!一氣呵成咁睇,實在太正嘞,真係好精彩,睇到透唔到氣呀」。而她的好友黃翠如同老公蕭正楠亦有齊齊收看,成為他們友間熱話。就連近七張的李司祺都是《李屍》狂迷,在第一季已開始追,她在IG留言:「一口氣睇哂兩季,成世人第一次睇喪屍戲,緊張!」



一直有傳全智賢有份客串演出《李屍朝鮮2》,但預告、劇照均沒有她的身影出現過。近日謎底揭曉了,飾演AShin的全智賢在最後一集的尾聲才出現,但一句對白都沒有,只以一個回頭的眼神作為壓軸登場,加埋身旁有多隻被鎖着的喪屍,明顯為下一季鋪下伏線,相信一班劇迷及全智賢迷,要等到第三季播映才揭曉她劇中的身份。

+7


----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

]

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤