• 【禁忌之林】執X咗佢啦 世衞(林忌)
  • 2020-03-13    

 

1月28日,中國全國疫情大爆發;世衞表示:對中國充滿信心,應向中國學習。

1月30日,越南對中國人停發簽證;世衞表示:中國值得我們感激和尊重。

2月3日,美國已對中國封關;世衞表示:不應過度反應,限制與中國旅遊貿易。

2月12日,台灣對中港澳全面封關;世衞表示:中國採取了很多措施。

2月22日,南韓疫情大爆發;世衞表示:目前仍然可控制疫情。

2月24日,伊朗疫情失控;世衞表示:全世界都欠了武漢人,有病想去中國醫。

2月27日,意大利淪陷;世衞表示:目前仍未全球大流行,不要污名化。

3月4日,歐洲全面爆發;世衞表示:各國不應該輕視疫情。

3月11日,世衞瞓醒表示:各國輕視疫情!疫情全球大流行了!

當中國疫情大爆發,各國想阻截病毒源頭,對中國採取限制措施的時候,世衞做緊乜嘢?好似代表中國外交部咁,不斷鬧人過度反應,叫人唔好限制中國;被世衞講兩講,各國冇採取更積極手段去做,世衞成個二月做咗乜嘢?就係一日到黑都係度讚中國,歌頌中國,連前所未有核突嗰句:「有病想去中國醫」,都可以講出口,然後仲吹到全地球人都欠咗中國,欠咗武漢人?係要多謝佢地播毒,定係多謝中國隱瞞疫情,搞出全球大流行的瘟疫?

更無恥嘅係,當各國聽足世衞建議,例如日本根據世衞標準,來處理鑽石公主號,檢疫人員唔需要穿着保護衣,結果就係感染埋防疫人員,造成日本的疫情失控,然後世衞有咩反應呢?就係倒打一耙,反而怪各國「輕視」疫情!怪各國做得唔夠!

問:「咩國家疫最成功呢?」

答:「被拒絕加入世衞的台灣。」

問:「咁加入世衞做乜?」

答:「……」(答唔到)

問:「咁台灣做咗乜嘢?」

答:「全面封中國關,增產口罩,減少人流聚集。」

問:「當時世衞點講?」

答:「世衞表示不應限制旅遊與貿易,呼籲各國撤除限制,叫大家不要污名化個疫情。」

答案非常清楚,聽譚德塞講的日本,衰晒;唔聽譚德塞講的台灣,守住了;全民戴口罩的香港,守住了;任何跟足世衞指引的國家,都衰到貼地,點解譚德塞仲好意思繼續坐住世衞總幹事個位?

事實證明,任何一月尾二月頭唔聽世衞講,封中國關,人民肯戴口罩的地方,就可以控制住疫情;而只要有任何地方,間接放咗中國人入去,然後再間接傳染畀當地人,又不能斬斷社區傳播鏈,嗰度就會疫情大爆發。

譚德塞,就係武漢肺炎的千古罪人。

當世界需要世衞,叫世衞出警告嘅時候,世衞就鬧人冇證據,叫人不要過度反應。

大流行了,世界已經唔需要世衞,世衞呢個時候就反怪各國「反應遲緩」──請問有邊個遲緩得過世衞?

嘢做唔到,責任就推晒畀人,只識擦中共鞋的組織,仲要來做乜?執X咗佢啦,世衞!


----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤