• 【影后客串變solo】《法證》鮑起靜神級喊戲三段式爆發 黃浩然、湯洛雯嚇呆唔識反應
  • 2020-03-11    

 

《法證先鋒IV》不但演員陣容強,連客串登場的角色亦同樣搶眼,之前有謝賢同米雪,昨晚一集更找來影后鮑起靜,飾演高善生母,一場憶女戲份,鮑姐眼淚三段式爆發,搞到兩名對手黃浩然同湯洛雯,都唔識俾反應。近年減產,貴精不貴多的鮑姐,真係戲份唔使多,只要精準,一幕客串仿如solo,老戲骨值錢就喺呢度。



昨晚劇情講述高安(黃浩然)誤以為搵到妹妹高善,豈料只是同名同姓,見面之際對方更遭遇交通意外喪生,於是黃浩然與湯洛雯,決定為高善尋找生母鮑起靜,本想告知她女兒離世消息,不過鮑起靜解釋當年原來為救患有白血病的高善胞兄,忍痛將高善賣走…。

十分鐘神演技

鮑姐這段憶述當年賣女的戲份,雖然只是短短十分鐘,不過鮑姐的神級演技,力壓全場,感人表情逐步昇華。由雙眼通紅到流出眼淚,之後一行眼淚再變兩行眼淚,極具層次感,神級影后功力深厚,連同場的黃浩然同湯洛雯,一時之間都被嚇呆,之後先識俾反應。

帶埋對手入戲

黃、湯二人仲俾鮑姐帶埋入戲,唔單只黃浩然睇到眼紅紅,湯洛雯亦都喊埋一份,成場戲催淚彈橫飛,觀眾當然更加喊到收唔到聲。雖然他兩未能跟鮑姐擦出火花,但吸收高人演技,呢個場口,賺咗。

能夠請得鮑姐客串《法》劇,原來全因為戲劇總監製梅小青,二人相識多年,卻從未合作,過去鮑姐在無綫只曾參演《同盟》,加上《法》劇是梅小青的榮休之作,難怪鮑姐傾力演出,絕對交足功課!

出身演藝世家

70歲的鮑姐,出身自演藝世家,父親是著名資深員鮑方,胞弟鮑德熹更曾奪得奧斯卡最佳攝影。鮑姐由60年代起已參與電影拍攝,80年加入當年的麗的電視,參演首套劇集《大地恩情》,其後麗的改為亞洲電視,鮑姐繼續效力,一做就30多年,直到2013年約滿先離巢。縱橫演藝界逾50年,鮑姐簡直連頭髮都識做戲,幾滴眼淚,當然難不到她。

最佳女主角

在亞視期間,鮑姐依然活躍電影圈,09年更憑《天水圍的日與夜》奪得香港金像獎最佳女主角及香港電影評論學會大獎頒發最佳女演員,13年參演麥浚龍執導的《殭屍》,戲內鮑姐飾演吳耀漢太太,一場圍繞吳耀漢屍體、一面自我訴心聲的對話戲,同樣贏得不少掌聲。

鮑姐嘅戲味,亦反映家有一老,如有一寶的重要。老戲骨的歷鍊,以老帶嫩的組合,往往是新紮姐仔小生演出時的啟蒙,大台對待對演藝用心且有貢獻的甘草前輩,應該懂得多幾分尊重。

+6


----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤