• 【住劏房 日使50蚊 前度JJ共甘苦】沈震軒冇諗過放棄:我場戲仲可以繼續做落去
  • 2020-03-12    

 

時間回到十四年前(2006年),沈震軒由加拿大回港,參加英皇新秀比賽,不過沒有拿到出唱片做歌手的合約。翌年,他報讀藝員訓練班,之後一直在無綫做二打六角色。與此同時,他跟JJ賈曉晨拍拖,由零開始的JJ也經歷過捱窮日子,一直支持生活拮据住劏房,日使五十元的沈震軒,看好他將來一定會在演藝界有成就。

13年,被金牌經理人之稱的黃柏高睇中,離開大台轉投新公司做歌手及拍電影。此外,因電視劇《使徒行者》扮演卧底,演技備受注意,他開始有機會返內地發展,知名度和收入同步齊升。今天,他已經有足夠能力,請在加拿大定居的父母周遊列國。

夢中說我真的很好

努力了多年,終放有回報。回望初出道的過去,沈震軒說:「可能聽上去會覺得好慘,好辛苦,但坦白講,其實又會有幾辛苦?只要有手有腳就唔會餓死。其實我反而覺得好新鮮,好似我返TVB開會,我竟然迷路,有啲地方唔識去。我都幾享受呢啲經歷,因為我做事鍾意一步步嚟,唔要一步登天,我相信只要根基紥實,先做到成績。」

在大家認為他最艱苦的日子,沈震軒都沒有想過放棄。

「我真心覺得個過程係好玩,因為其實係一場戲,你見到過程進化,其實都係一場戲,點解觀眾想繼續追落去,場戲可以繼續有得做,因為有進步空間,如果去到樽頸位,就不如大結局,唔使再睇落去。」他說。

不用再擔心生活,沈震軒憑歌寄意,將自己的故事寫出來,其中有句歌詞-「我真的很好」,更是他在夢中回答初戀女友的真實對白。

「當時靈感係源自凌晨喺夢中見到初戀,佢喺街上問我,因為佢係台灣人,佢當時問我,好耐無見,最近如何?然後我就答咗句,我真的很好。我覺得如果現實世界重遇佢,都一樣會咁樣答,歌詞仲想表達係,最想聽到大家答案,就係大家都過得好好,最開心就係咁樣。因為始終大家曾經相愛,希望見到對方幸福就係最重要。」他說。

不能一起走到最後

多年來,沒有遇上前前度,卻遇上跟他同甘苦的JJ,他在內地拍戲,JJ帶着女兒來,兩人都有傾偈打招呼。

「之前喺內地拍劇遇到JJ,當時真係好開心,佢又帶埋小朋友出嚟,大家都有打招呼,的確好開心,同我首歌一樣,見到對方幸福,其實就係最希望得到既答案,雖然大家唔可以一齊行到最後,但其實唔緊要......」他說。


----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤